Co-Ofhengighair

Faan Wikipedia
Waksle tu: Nawigatjuun, Schük
Sylt2.png Söl'ring


Co-Ofhengighair es en Konsept fan di Psychiaaters, wat meent, dat di Mensken trinjom Lir, wat fan wat ofhengig sen me dit, wat ja dö of let, di Sucht fan di Ofhengigi slemer maaki. En bikeent Bispöl fuar des es di Co-Alkohooliker.
Em teenkt, dat des Lir iin ön en Dön faststeek, wat töögenön aarbert, wan di Ofhengighair bihanelt uuren skel.
Diaraur meent em uk, dat di Mensken trinjom en Ofhengigi Mensk fan di Psycholoogi me bihanelt uur skel.[1].
Wan dit diari di Dochters al kraankhaft fuarkumt, sair em, dat di Persöönelkhair kraank es.

Hat jeft uk Psycholoogen, wat des Taachten kritisiari, aurdat dat fan dat Mebihaneli sotsiaali Probleemi me di Warel trinjom di "Co-Ofhengigi" kum ken.[2]

Bispölen[Bewerke | kweltekst bewerke]

Bispölen fuar Co-Ofhengighair sen Aarberskoleegen, wat di Aarber fan en Koleegi, wat drinkt, me maaki wel, sa dat nemen morki skel, dat di ek fuul dēr.
Iin ön en Familii kumt aaftinoch fuar, dat ali fuar dat bitaali, fan wat di Ofhengigi ofhengig es.
Uk Dochters ken co-ofhengig uur, wan ja wat forskriif, wat ofhengig maakit, man wat di Patsient gaar ek brükt.

Meaarberers fan't Jugendamt of Skuulmaisters ken co-ofhengig uur, wan en Aalerndiil, wat di üđer ütgrensi wel, di "fuar sin Kaar spant". Des Aalerndili sen ofhengig fan jamsalev, en di Jungen, wat di fuar üppasi, kum al ön jaar jungi Jaaren ek ön fuarbi en uur salev co-ofhengig.

Co-Ofhengighair helpt, dat dit ek sa siir dö, di Ofhengigi öntöluki, sa dat nönt foranert uur.
Di Kraankhair fan di Ofhengigi waaret diarfan leenger.

Phasen[Bewerke | kweltekst bewerke]

Co-Ofhengighair ken ön Phasen pasiari:
Iin ön di "Üppaserphasi" bikömert di Mensk, wat mefo, dat wat ek stemet, höm senerk aur di Ofhengigi. Hi hööpet, dat di Süchtigi salev mefo, dat hi me sin Dön āphual skel.
Iin ön di "Kontrolphasi" paset di Memensk üp, dat alis maaket uur, wat di Ofhengige ek muar skafi ken en dat nemen mefo, wat luas es.
Iin ön di "Önklaagiphasi" uur di Memensk sa laangsem ārig. Hi skempet me di Ofhengigi en hi es hart töögen höm.
Hat ken sa fiir kum, dat di Memensk ek muar förter weet.[3]

Grünen[Bewerke | kweltekst bewerke]

Hat es noch ek iinfach tö sii, hurfan di Co-Ofhengighair kumt, en sa es dit bi di miist psychaatrisk Kraankhairen uk:
Hat jeft bi di Psycholoogen en "multifaktorieli Model". Dit jit sa fuul üs forskelig Grünen, wat jam töhopset fan soziaali Grünen sa üs uk dit, wat di Co-Ofhengigi liirt heer en mesken uk Wunerkhairen aur di Geeni.

Fuar't miist kumt di Co-Ofhengigi man salev üt en Familii, hur ek alis sa gans rocht gingen es.
Ali Lir, wat Co-Ofhengig uur, haa Probleeme en se, wat ja salev wert sen.

Sucht-en Helpersrul[Bewerke | kweltekst bewerke]

Ofhengig Mensken manipuliari di Mensken trinjom jamsalev. Ja binj jaar Memensken iin ön dat Dön fan en Co-Ofhengigi Mensk.
Co-Ofhengigi Lir set di Ofhengigi da ön di Meren fan jaar Leewent. Di Lir trinjom jam finj dit fuar di jerst Tir uk gans gur.
Di Co-Ofhengigi keent ek muar fuul üđer Taachten üs tö help (Helpers-Syndroom), bit dat hi gaar ek muar diartö kumt en teenk aur hömsalev.

Symptoomi en Riisiken[Bewerke | kweltekst bewerke]

Sa ken't pasiari, dat jen olterfuul Jil ütjeft, aurdat hi sin Heroinofhengige Dreeng help wel. Üđer Mensken gung rain kaput, aurdat ja forsjuk, olterfuul tö aarberi, dat man jaa alis maaket es.
Bitö des kumt fuar't miist fuul Strir twesken di Ofhengigi en di Co-Ofhengigi, en wan des Jungen haa, da ken des uk kraank diarfan uur:
Di Jungen liir da ek, hur'ling ja me sok Situatsjoonen omgung skel en of wat slem es of ek sa slem.
Em meent uk, dat des tö di Grünen jert, huraur di Jungen leeterhen salev fan wat ofhengig uur.

Therapii[Bewerke | kweltekst bewerke]

Fuar't miist es dit gur, wan di Mensken trinjom en Ofhengigi (sa üs Partners, Brüđern, Jungen) me hentö di Psycholoogi gung.
Da ken ja bigrep, wat forkiirt gingen es en wat bi jamsalev kraank uuren es.
Wichtig kür uk wiis, tö weet, hok Rul em iinnemen haa en wat diarbi holpen heer, dat di Ofhengighair slemer en ek beeter uur.

Hat jeft man uk Grupen, hur Co-Ofhengigi jamsalev help ken.

Rod of asclepius left.svg Wichtig Henwiis tö Bidrachen aur di Sünhair

Literatuur[Bewerke | kweltekst bewerke]

  • Monika Rennert, Co - Abhängigkeit. Was Sucht für die Familie bedeutet, Lambertus-Verlag; Auflage: 2., Aufl. (1990), ISBN 3-7841-0443-6
  • Pia Mellody , Andrea Wells Miller, J. K. Miller, Verstrickt in die Probleme anderer. Über Entstehung und Auswirkung von Co-Abhängigkeit, Kösel, Auflage (1991) ISBN 3-466-30309-5
  • Reinhold Aßfalg, Die heimliche Unterstützung der Sucht: Co - Abhängigkeit, Neuland, Geesthach, 5. überarb. Auflage (2006), ISBN 3-87581-251-4

Futnooten[Bewerke | kweltekst bewerke]

  1. Jörg Fengler (Hrsg.): Handbuch der Suchtbehandlung. Hüthig Jehle Rehm, 2002. ISBN 3-609-51980-0. S. 100-5. Google-Buchvorschau
  2. Irmgard Vogt: Beratung von süchtigen Frauen und Männern: Grundlagen und Praxis. Beltz, 2004. ISBN 3-407-22160-6. S. 110-7. Google-Buchsuche
  3. Holger Thiel, Markus Jensen, Siegfried Traxler: Psychiatrie für Pflegeberufe. Elsevier,Urban&Fischer, 2006. ISBN 3-437-26551-2. S. 160. Google-Buchsuche

Forwiisen[Bewerke | kweltekst bewerke]