Enno I. (Uastfresklun)

Faan Wikipedia
Zur Navigation springen Zur Suche springen
Foehr.svg Tekst üüb Fering


Enno I. (* 1. Jüüne 1460; † 19. Febrewoore 1491) wiar faan 1466 tu 1491 graaf faan Uastfresklun.

Leewent[Bewerke | Kweltekst bewerke]

Enno I. wiar de iarst dring faan Ulrich I. ütj at Hüs Cirksena an sin wüf Theda Ukena. Hi hed för’t iarst öler intresin, üüs a efterfuliger faan Ulrich I. uun tu treeden. So bleew at ferwalting faan Uastfresklun uun sin mam Theda sin hunen. Iarst uun a juaren efter 1480 auernaam Enno muar an muar apgoowen faan regiaring. En föörmelk auernemin faan’t regiaring wiar det man ei. 1489 bruch Enno uun mägungin faan Viktor Frese tu’n pilgerreis iin uun det Halig Lun ap, huar hi uun Jerusalem bi det Halig Greef tu a reder slaanjen wurd. Uun sin wechweesen ferliibet ham sin saster Almut iin uun de westfeelisk aadlig Engelmaan faan Horstell, a drost faan’t Friedeburg. Hat smeset sogoor plooner faan at frei, wat Almuts mam Theda ei tuleet. Alikent ging Almut tup mä san bradgung ap üüb at Friedeburg an naam üüs ütjstjüür sin familjenschmuk mä. Hat saad för was, dat sin bruler mä’t leefde wiar. Üüs Enno lääder turag tu Uastfresklun kaam, kaam diarfaan ufsen at jindial föör’n dai. Uun liawin, dat at saster faan san bradgung wechfeert wurden as, ging hi dol tu’t ferfulging faan’t paar auer. Uun at fial kurt föör’t Friedeburg stääld hi a drost tu’t reede. A drost bested üüb sin leefde an ded Almut ei weler häär. Noch tutidjs lingt hi at Friedeburg, ferfulget faan Enno. Do Enno ferschükt a borigskoot, wat mä is bedobet wiar, mä sin swaar rüsting auer tu skridjin. At is bost tu, an hi ging oner. Hi stoorew uun’t ääler faan bluat 30 juar.

FöörgungerAmtEfterfulger
Ulrich I.Graaf faan Uastfresklun
1466-1491
Edzard I.