Estuaire (Prowins)

Tekst üüb Fering

Det Estuaire Prowins (üüb Fraansöösk: La province de l'Estuaire [ɛs.tɥɛʁ]) as en prowins uun de aafrikoons stoot Gabuun. At prowins leit uun a nuurdwaast faan’t lun. Uun a nuurd leit Ekwatoriaal-Guinea, uun a nuurduast det Woleu-Ntem Prowins, uun a süüduast det Moyen-Ogooué Prowins, uun a süüdwaast det Ogooué-Maritime Prowins an uun a waast det Atlantik Ootseaan. Det hee 895.689 lidj (2013)^[1]. At hoodsteed as Libreville.

Geografii[Bewerke | Kweltekst bewerke]

De Komo Struum leept troch't prowins iin uun det Atlantisk Ootseaan.

Det Estuaire Prowins hee fjauer departmenten.

Department	Grate (km²)^[2]	Lidj (2013)^[2]	Hoodsteed
Komo	9928,1	17.575	Ntoum
Komo-Mondah	1842	90.096	Kango
Komo-Océan	3645,6	553	Ndzomoe
Noya	3958,4	4225	Cocobeach

At prowins hee'n ekwatoriaal kliima mä tau drügtidjen (grat an letj) an tau rintidjen (uk grat an letj):

Det grat drügtidj (üüb Fraansöösk: la grande saison sèche) düüret faan Jüüne tu September. Det hee delmiatig 31 mm rin a muun an en delmiatig temperatüür faan 24,9 ° C.
Det grat rintidj (üüb Fraansöösk: la grande saison des pluies) düüret faan Oktuuber tu Deetsember. Det hee delmiatig 418 mm rin a muun an en delmiatig temperatüür faan 25,9 ° C.
Det letj drügtidj (üüb Fraansöösk: la petite saison sèche) düüret faan Janewoore tu Febrewoore. Det hee delmiatig 271,6 mm a muun an en delmiatig temperatüür faan 26,7 ° C.
Det letj rintidj (üüb Fraansöösk: la petite saison des pluies) düüret faan Marts tu Mei. Det hee delmiatig 348,2 mm rin a muun an en delmiatig temperatüür faan 26,8 ° C^[3].

A guwernöör faan't prowins as Léonard Diderot Moutsinga Kebila.

↑ www.citypopulation.de
↑ ^2,0 ^2,1 www.citypopulation.de
↑ Direction Générale de l’economie et de la Politique Fiscale (2012), la Situation Socioéconomique de l’Estuaire.