Europäisch Unjoon

Faan Wikipedia
(Widjerfeerd faan Europeesk Unioon)
Zur Navigation springen Zur Suche springen
Bökingharde.png Täkst aw mooringer frasch




Europäisch Unjoon
Flag of Europe.svg
Global European Union.svg
EC-EU-enlargement animation.gif

Europäisch Unjoon unti EU (de. Europäische Union), internasjonåål mååsttid EU, as en internasjonåål organisasjoon, jü bestoont üt europäische stoote. Jü originool unjoon as 1992 grünläid eefter di fertråch foon Maastricht. Jü unjoon ås jü nü as, as basiird aw e fertråch foon Nice (feebruaar 2003). Jü Europäisch unjoon heet 447 milion önjboogere (2020), än en gebiit foon 4.233.262 km2.

Histoori[Bewerke | Kweltekst bewerke]

1957 onertiikneden Bälgien, Frånkrik, Itaalien, Luxemborj, e Nederlönje än dåt Bundesrepubliik Tjüschlönj en oufkaamen önj Room, wat dåt Europäisch Wirtschapsgemiinschap (EWG) än en toolunioon grünläid. 1973 Dånmark, dåt Feriind Kiningrik än Irlönj wörden lasmoote. 1981 wörd Griichenlönj lasmoote, dan wörden 1986 uk Spaanien än Portugal lasmoote. Dåt Tjüsch Demokraatisch Republiik wörd 1990 lasmoot, as et een diilj foon dåt widerferiind Tjüschlönj wörd. Dåt EWG wörd dåt Europäisch Unjoon eefter en oufkaamen önj Maastricht önj't iir 1992. Da näiste lönje, wat lasmoote wörden, wjarn Ååstenrik, Finlönj än Swärik (1995). Dåt grutst ütwidering wus önj't iir 2004, as tiin stoote (Estlönj, Letlönj, Litauen, Malta, Poolen, Tschechien, Slowenien, e Slowakäi, Ungarn än Zypern) lasmoote wörden. 2007 wörden Bulgarien än Rumänien lasmoote. Di naist lasmoot wus Kroatien, wat 2013 dåt EU baiträtj.

Sunt 1957 treese tou lönje foon dåt EWG/EU üt: Gräinlönj (1985, eefter en följksoufsteeming önj't iir 1982) än dåt Feriind Kiningrik (2020, eefter en följksoufsteeming önj't iir 2016).

Lasmoote[Bewerke | Kweltekst bewerke]

Diling (2020) jeeft et 27 lasmoote:

  1. Flag of Austria.svg Ååstenrik (sunt 1995)
  2. Flag of Belgium.svg Bälgien (sunt e began)
  3. Flag of Bulgaria.svg Bulgarien (sunt 2007)
  4. Flag of Denmark.svg Dånmark (sunt 1973)
  5. Flag of Estonia.svg Estlönj (sunt 2004)
  6. Flag of Finland.svg Finlönj (sunt 1995)
  7. Flag of France.svg Frånkrik (sunt e began)
  8. Flag of Greece.svg Griichenlönj (sunt 1981)
  9. Flag of Ireland.svg Irlönj (sunt 1973)
  10. Flag of Italy.svg Italien (sunt e began)
  11. Flag of Croatia.svg Kroaatien (sunt 2013)
  12. Flag of Latvia.svg Letlönj (sunt 2004)
  13. Flag of Lithuania.svg Litauen (sunt 2004)
  14. Flag of Luxembourg.svg Luxemborj (sunt e began)
  15. Flag of Malta.svg Malta (sunt 2004)
  16. Flag of the Netherlands.svg da Nederlönje (sunt e began)
  17. Flag of Poland.svg Poolen (sunt 2004)
  18. Flag of Portugal.svg Portugal (sunt 1986)
  19. Flag of Romania.svg Rumänien (sunt 2007)
  20. Flag of Slovenia.svg Slowenien (sunt 2004)
  21. Flag of Slovakia.svg jü Slowakäi (sunt 2004)
  22. Flag of Spain.svg Spanien (sunt 1986)
  23. Flag of Sweden.svg Sweeden (sunt 1995)
  24. Flag of Germany.svg Tjüschlönj (sunt e began)
  25. Flag of the Czech Republic.svg Tschechien (sunt 2004)
  26. Flag of Hungary.svg Ungarn (sunt 2004)
  27. Flag of Cyprus.svg Zypern (sunt 2004)

Iir lasmoote wjarn dåt Feriind Kiningrik (1973-2020) än Gräinlönj (1973-1985).

Europäisch Komisjoon[Bewerke | Kweltekst bewerke]

Europäisch Komisjoon as jü eksekutiiw foon dåt Europäisch Unjoon. Jü sloit ruchtsforschrafte for, seet äntschiisinge am, hålt da EU-oufkaamene in än forwåltet et däisgeschäft foon dåt EU. E präsidäntin foon e komisjoon sunt 2019 as Ursula von der Leyen.

Sii uk[Bewerke | Kweltekst bewerke]

Linke[Bewerke | Kweltekst bewerke]