F-Droid
 Söl'ring
|
F-Droid es en alternatiif App Store fuar dit Bidreftsysteem Android. Senerlig es bi F-Droid, dat ofiziel en üs Standard bluat frii Software iin ön di Oflaag (Repository) braacht en önböören uur mut, wat eeđer di GNU GPL of di Apache-Lizenz maaket sen. Di Kwelcode fan ark App mut iipen wiis.
Ark App uur eeđerluket. Dat em dit uk üs User weet, uur di apk-Daatei, wat em fo ken ek fan di Maaker man fan F-Droid önerskrewen. Ark jen diar wat diarme bigen ken, ken bi sin App "Öner di Klap" luki.
Bi F-Droid giar dit om Transparens en Seekerhair. Wan en App dach Reklāmi maaket of spioniari kür, da stuunt dit diarbi, en da tört em di App jaa ek nem.
Wan em fuar Apps fan di Google Play Store en Konto nöörig heer, wat Google Forloof dēr en luki twert döör dit Tilefoon of Tablet[1] es dit bi FDroid ek nöörig. Em ken anonym Software fo.
F-Droid skriift man dach me, hur aaft en App dialleeren uur, en hok dö uk Biskiir, wan ja olter aaft ofstört, dit meent, dat ja ek rocht laap. Diit es man fuar di Statistik en diarfuar, dat em ek tö aaft Skramel fair en höm diaraur ārigi mut.
Custom-ROM
[Bewerke | Kweltekst bewerke]Custom-ROM (Ain maaket Read only memory) sen alternatiif Bidreftssysteemi (OS=Operating System) sa üs Copperhead OS, Replicant, Fairphone Open of Shift-OS. Des haa uk FDroid "ön Buurt".[2]
Hur'ling dit giar
[Bewerke | Kweltekst bewerke]Apps dialleer
[Bewerke | Kweltekst bewerke]Söner App ken em online iinluki en sjuk wat em haa wel. Da leert em di apk-Daatei dial en instaliaret des.
En bet muar Komfort heer em me di F-Droid-App: Di App leert dial en instaliaret metjens. Em fair da uk Biskiir, wan dit en nii Wersioon fan en App jeft.
Aaftinoch uur uk ialer Wersioonen fan Apps önböören, wan em diarme beeter reer kür of en Giraat ek di jüngst Wersioon fan Bidreftssysteem heer.
Hur'ling Apps iin ön di offiziel Oflaag kum
[Bewerke | Kweltekst bewerke]Ark'jen mut en App fuarslaa, wan di me Open Source en GNU-Litsens tö fo es.[3] Apps, wat Reklāmi maaki of di Nüter föligi ("tracki") uur sa biskrewen. Diaraurhen uur Tests fuar di Seekerhair maaket jer dat dit online önböören uur.[4]
Luki uk jir
[Bewerke | Kweltekst bewerke]Futnooten
[Bewerke | Kweltekst bewerke]- ↑ Aur "Aurora Store" of "Aptoide"ken em uk bi Google söner Konto Apps fo, man des haa ek di Daatenseekerhair üs bi F-Droid.
- ↑ Security Model | F-Droid – Free and Open Source Android App Repository. Ufrepen de 20. September 2018 (ingelsk).
- ↑ Inclusion How-To. F-Droid, 4. Janewoore 2017, ufrepen de 3. August 2017.
- ↑ F-Droid ist sichere Play-Store-Alternative. Uun: sueddeutsche.de. 7. Marts 2018, ufrepen de 27. April 2018.