Hörnem Jip

Tekst üüb Fering

lachts: Hörnem, rochts: Hörnem Jip.

At Hörnem Jip (üüb Salring: Hörnem Diip, üüb Tjiisk: Hörnumtief, üüb Deensk: Hørnum Dyb) as en priil uun a Nuurdsia bi Hörnem üüb Sal. A priil, wat 23 meeter jip as, skääst at eilun Sal uun a waast an Feer uun a uast, an hee a mös uun a süüd iin uun’t Föörtrepjip. At Hörnem Jip hee fiiw sidjeniarmer: uun a nuurd san det Aidem Jip, det Waaster Lei an Uaster Lei, uun a uast det Fering Lei an uun a waast det Rantem Lua. Auer dat a priil krümet ferleept, pralet hi üüb at uasteeg faan det Hörnem Ood. Uun a auergung tu’t Föörtrepjip bedrait at jipde bit hen tu 42 meeter.