Hāremforslüt

Faan Wikipedia
Söl'ring


Dit Weeter staant iin ön dit böögen Röör lefts, en diar ken di Hārem ek döörkum.

En Hāremforslüt set iin ön en Oflaapröör en es diarfuar, dat di Hārem fan Kanaal of Skitküül ek iin ön't Hüs kum.

Arten fan Hāremforslüten[Bewerke | Kweltekst bewerke]

Me Weeter[Bewerke | Kweltekst bewerke]

Dat dit ek hāremt, mut altert Weeter diarbenen staan. Ön't Beest mut altert wat achterön laap, dat dit ek ütdrüget.

Fuar't olermiist uur dit Ofloopröör öner Spöölstiiner sa döörböögen, dat diar altert Weeter benen staant. Döör Weeter ken di Lucht en diarme di Hārem ek kum. Üs en töhopstelt Pakeet fan Röören en Techtingen jit des en iinfachi Siphon.

En Forem diarfan es uk ön Hüsjikopen tö finj, man diar es dit iingööten en niin önskrüüwen Röören.

Öner Spöölstiiner set aaft Faten, hur naa boowen en naa achtern en Röör önslööten uur. Des Fat jit uk Borel, di Hāremforslüt jit Borelsiphon.

Bi en Böörtoflaap es en Aart fan Traachter, hur ön di Meren en Oflaapröör öngööten es. Boowen üp set en Aart fan Ler, dat niin Strunt diar iimaal ken en uk niin Lucht utkum ken.

Söner Weeter[Bewerke | Kweltekst bewerke]

Bi en weeterfrii Urinal es jaa niin Weeter. Bi des halt en Silikoongumi-Slang dit Röör techt. Des giar bluat kuurt iipen, wan diar wat iinlapt, en achterön giar dit weđer techt.
Des Systeem mut of en tö rensket uur, aurdat höm Uriinstiin benen iin ön di Slang set, dat dit ek muar rocht techtmaaki ken.