Hein Hoop/sö
 Söl'ring
|
Hein Hoop (* 16. Februar 1927 ön Gråsten, Deenemark; † 25. Mai 1986 ön Büttel-Eck) wiar en dütsk Skriiwer en Könstler.
Leewent en Aarber
[Bewerke | Kweltekst bewerke]Achter'n Diek
[Bewerke | Kweltekst bewerke]Hoop heer ön di U.S.A. liirt, Skulptuuren fan Holt tö maaki, en diar studiareti hi uk Konst (Montana State University - Bozeman).
Bi di Dik fan Katingsiel üp Eiderstedt kür hi höm fan en ual Hüs en Könstlerklausi bech. Fan di Sjip-Busem diarbenen uur en Galerii maaket. Benen des Hüs kür hi üs Skulptuurenmaaker, Konstmaaler, Grāfiker, Techter, Ledjiskriiwer, Aktsjoonskönstler aarberi.
Autoorenaarber
[Bewerke | Kweltekst bewerke]En Bruarwerev muar her hi üs Skriiwer, tö'n Bispöl fuar di "Münchner Lach- und Schießgesellschaft" en dat Bleer "Pardon". Hi skref aaft satiirisk Kraam en des fuar't Miist üp Plattdütsk.
Knut Kiesewetter, Hannes Wader, Lonzo Westphal, Fiete Kay, Volker Lechtenbrink en Liederjan haa uk Melodiien tö sin Teksti maaket.
Heefkonst en üđer "Bööken"
[Bewerke | Kweltekst bewerke]Hoop meenti, dat hi höm di Heefkonst("Wattenkunst") üttaacht her. Des bidref hi fan 1964 ön üs en Varianti fan di "Land Art", wat al leenger ön üđer Plaatsen tö biluki wiar.
Hi wiar uk ek di Iinsigst, wat meenti, dat di Taacht tö di Heefolümpiadi("Wattolümpiade") fan höm wiar. Des uur nai bi Brunsbüttel maaket.
Hoop wiar bikeent fuar sin Aktjoonen, sa üs dat Āpstelin fan Holten Skulptuuren, dat des en Wald uur skul, en "Öl-Pestival" en sin Instalatsjoon Tiidendüür("Gezeitentür").
Aur di "Gezeitentür" haa forskelig Fiirlukisender birocht. 2007, 21 Jaaren achter sin Duar, uur des Instalatsjoon tö sin Iaren jit jens becht. Di Könstler diarachter wiar üs di "Wattikan" töhöpkemen, en di Düür kām ön't "Wattkampfgelände", nai bi Brunsbüttel, āpbecht.
Hoop her uk en satiirisk Fuarslach, dat di Uniwersiteeten et wat lechter fing skul: Di "Leerstuhl für Wattologie", hur jit nemen sit.
Wan gaar ek üđers, da maaketi hi manshoogi Plastiken, wat ütsjocht üs Pinten[1], erootisk Radiaringen en Teekningen fuar iin ön Boker tö druki.
Hoop fent, dat hi fan't Lewi en uk fan't Skriif me di swensk Leedjitechter Carl Michael Bellman forbünen wiar. Hi skref masi fan Bellmans Teksti üp Dütsk of Plattdütsk āp. Hannes Wader heer me des Aarberen ön't Jaar 1996 en CD ütdönen [2]. .
Hein Hoop, uur ön di 25. Mai 1986 iin ön sin Wain fünen, wat twesken Hüsem en sin Hüs rochts ön di B5 staanti.
Hi wiar storewen. - Hoop wiar kraank ön't Hart en ön di Lungen.
Aarberen
[Bewerke | Kweltekst bewerke]Boker, wat ütkemen sen
[Bewerke | Kweltekst bewerke]- Aktionen im Watt. Segebrecht, Marne 1984, ISBN 3-923774-09-5.
- Grimmige Märchen. In Hoch- und Plattdeutsch. Zusammen mit Henning Venske. Verlag Davids Drucke, Celle 1978, ISBN 3-921860-10-5.
- Käpten Kidd. Lieder und Shanties. Mit Illustrationen. Davids Drucke, Celle 1977, ISBN 3-921860-06-9 (diar stemet wat ei mä det numer)
- De Landkommun. Plattdeutsche Komödie mit Gesang in 3 Akten. Eidam-Verlag, Tönning 1979
- Carl Michael Bellman; Hein Hoop: Der Tod ist doch ein böser Bär. Ausgewählte Lieder in hoch- und niederdeutschen Nachdichtungen. Verlag Davids Drucke, 1978, ISBN 3-921860-04-0.
- Reimlichkeiten. Eidam-Verlag, Tönning 1978
- Lisa, Gudrun, Freya, alle hin, auweia. Satirische Bretterlieder. Struck, Hamburg 1978
- De See is frie. Nüe plattdütsche Leder. ISBN 3-88042-029-7.
- Bänkeltexte. Katingsiel-Eiderstedt. Galerie am Eiderdamm 1975
Aur di Aktsjoonen
[Bewerke | Kweltekst bewerke]- Gezeitentür. Performance-Aktsjoon (1972) ön di Kant fan di Nuurđsee, bi di Eiderdam. En Düür, wat bi Heef staant, uur fan di Flöör iipen maaket en fan Ebweeter weđer techt. Des Performance uur fan di NDR āpnemen.
- Trutz Blanker Hohn. En Friesical fan Henning Venske en Hein Hoop. Musik fan Lonzo Westphal. Pläne, 1979, Lungspölplatte
- Nordfriesische Mittelstreckenrakete „Kating 1“
Literatuur
[Bewerke | Kweltekst bewerke]- Manfred Hausin: Liebe, Schnaps, Tod. Hein Hoop – der Narr von Eiderstedt. In: Muschelhaufen, Jahresschrift für Literatur und Grafik, Nr. 45. Viersen 2005. ISSN 0085-3593