Hemelsrochtingen

Faan Wikipedia
Waksle tu: Nawigatjuun, Schük
Sylt2.png Söl'ring


Di Hemelsrochtingen me 32-Streek-Iindiiling.

Di Hemelsrochtingen sen wichtig fuar di Nawigatsjoon üp di Öört.

  • Nuurđ(en) - weeget hentö di Nuurđpool
  • Uast(en) - weeget diar hen, hur di Öört höör hendrait (Hur di Sen āpgiar)
  • Süđ(ern) - weeget hentö di Süđerpool, of diarhen, fan hur di Sen tö Medai skiinjt
  • Weest(en) - weeget diar hen, hur di Öört höör fan wech drait (Hur di Sen önergiar)

Iindiiling[Bewerke | Kweltekst bewerke]

Streek[Bewerke | Kweltekst bewerke]

Fjur Waien leengi ek fuar en rocht Nawigatsjoon, en diaraur haa di Seefaarers di Winjruus ginauer iindiilt:
Nuurđ - Nuurđ tö Uast - Nuurđ-Nuurđuast - Nuurđuast tu Nuurđ - Nuurđuast - Nuurđuast tu Uast - Uast-Nuurđuast - Uast tö Nuurđ - Uast - en sa fiiđer ... biluki diartö uk dat Skelt rochts.
Hat jeft 32 Streeken en ark Streek es 11,25 (=360:32) Graad breer.

Graad[Bewerke | Kweltekst bewerke]

Deling uur man uk bi di Seefaarers di Krais me sin 360 Graad nemen:
Dit bigent bi 0 Graad (Nuurđ) en lapt da rochts om tö Uast (90 Graad), Süđern (180 graad) en Weest (270 graad).
Diarme en me di GPS-Technik let jam Kurs en Positsjoon gans ginau ütfinj.

Nü jeft et "Graad" jaa uk fuar Temperatuuren. Dat es ek sa iinfach ütenachler tö hual; hat jeft niin ekstra Teeken.
Fuar di Temperatuur en fuar't Winkelmeten es dit san Kringel (Sa üs 45°, wat mal hit of nuurđuast meen ken).
Fuar di Temperatuuren kumt jit en "C" fuar "Celsius" of en "F" fuar "Fahrenheit" diarachter skrewen, dat em weet, dat en Temperatuur öndönen uur en eeđer hok Systeem di meten uuren es.
Bi dat Temperatuursysteem "Kelvin" uur niin Graadteeken bitö set (273 Kelvin sen sa fuul üs 0°C).

Bispölen fuar di Winkels, hur di Hemelsrochtingen me biskrewen uur.

Bi di Winkels kum jit di Minüten diartwesken, wat me en Apostroph öndönen uur.
Ark Winkelgraad heer 60 Minüten (Bispöl: 44° 11' wiar 44 Graad en 11 Minüten, en bet nuurđfuar fan nuurđuast, wat 45° sen). Di Minüten haa weđer 60 Sekunden, wat me Guusfet (") öndönen uur (Sa üs 44° 11' 34")

Tö Medai skiinjt di Sen fan 180°; dat Leecht falt hentö 0°.