Henning Rinken

Faan Wikipedia
Zur Navigation springen Zur Suche springen
Wikipedia-logo-v2-frr.svg Di Bidrach "Henning Rinken" staant eksklusiif ön di Nuurđfriisk Wikipedia!
Sylt2.png Söl'ring


Dit Bok fan 1992 es iinfach maaket, en des Eksemplaar es al aaft leesen uuren. Hat es es bleft en Formaak, en em fent altert Niis.

Hinrich Reinert Hinrichs ( * 2.9.1777, † 25.3.1862) waar uk Henning Rink Hennings of kuurter Henning Rinken nēmt. Sin Wüf wiar sent di 17. 10. 1805 Merret Broder Decker (* 10.1.1780, † 12.5.1871), diar en Eeđerfaar fan Lorens di Haan wiar.

Henning Rinken heer en Chroonik fan Söl āpskrewen, wat Karl Schmidt-Rodenäs[1] en sin Wüf Marianne ofskrewen haa. Albert Panten heer dit da twertleesen en ütdönen, en dit Nuurđfriisk Instituut heer dit prentet en forliar.[2]

Aur Henning Rinken[Bewerke | Kweltekst bewerke]

Bit 1820 es hi tö See faart en heer da "die See bedankt". Achterön heer hin üs ark'jen forsaacht en lewi fan dit, wat üt Lön tö fo wiar. Fuar di Gimiinskep wiar hi altert ön Gang. Hi slüt man dach me dit Uurt: "Undank ist der Welt Lohn.", en des uur da uk me Talen bilair.

Aur dit Bok[Bewerke | Kweltekst bewerke]

Henning Rinken her mesken ek olterfuul liirt, man hi kür me sin Taachten om, en hi wiar iarelk. Sa last höm sin skrewen Dütsk, wat di Omseters sa aurnomen haa, mesken lüstig, man di Iarnsthaftighair fan di Āpteekningen giar diaraur ek forleesen.

Dit Bok bigent me en Ofskreft fan Kielholts Forteling aur Eidem en di Kristianisiaring üp Söl, en des es üp en wunerligi Aart fan Platdütsk skrewen, man gur tö lees. Di Chroonik bigent ombi dit Jaar 1.000.

Aur di "Hedigen" meent Rinken: "Die vorstehende Benennungen der Dorfstheile sind auf folgende Weise entstanden, nämlich: Nord-, Ost, Süd- und Westhedig, weil diese Gegenden, als sie noch unbebaut waren, den Namen Nordhede, Osthede (...) hatten. Das Wort Hede bedeutet Heide oder Heideland, und Hede ist später zu Hedig verwandelt."

Uk dit wat Söl üt- en iinfööret heer ("iinfööri maast"!) uur biskrewen.

Rinken fortelt fan di Aart, hur'ling em tö Bisjuk ging, öner "Die Lebensart" ("Wel I jit en Prekelster haa?" en di Swaar wiar sa fuul üs "kum iin, man wü haa't fuar deling ek beeter"). Uk dit iinfachi Leewent, wat al om 1780 lungsom forleesen ging, uur biskrewen.

Sa jit dit, wan't om't Iit giar:
"Dazu rechne ich, was die Alten zu ihren Lebensunterhalt gebraucht haben, und was jetzt gebraucht wird. Über jene einen ausführlichen Bericht zu geben, dazu fehlet mir an gehörigen Unterricht. (...) Kartofeln sind noch kaum 80 Jahren hier bekannt. Kaffe und Thee, kannten sie in alten zeiten gänzlich nicht. (...) Mit welchen Riesenschritten hat das Caffetrinken zugenommen, während 80 Jahren. Wenn man gedenket, dass neulich in einem Jahre 41.000 Pfd. Caffe aus der Fremde, eingeführt auf Sylt, das Pfund nur zu 7 Schil angeschlagen, so beträgt dies 17.937 Mk."

Futnooten[Bewerke | Kweltekst bewerke]

  1. Des wiar noch jen fan di leest Aarberen fan Karl Schmidt-Rodenäs. Hi es stürewen, jer dat dit Bok prentet wiar.
  2. Hinrichs, Hinrich Reinert: Chronik betreffend der Insel Sylt: Vorzeit und Gegenwart; 1843 und Fortsetzung samt einer Lebensbeschreibung / von Hinrich Reinert Hinrichs, genannt Henning Rinken. [Nordfriisk Instituut. Hrsg. v. Karl Schmidt-Rodenäs und Albert Panten]. - Bräist/Bredstedt, NF: Nordfriisk Inst., 1992 (Nordfriisk Instituut: 112) ISBN 3-88007-195-0