Joe Biden

Faan Wikipedia
Tekst üüb Fering


Joe Biden (2020)
Joe Biden sin Onerskraft
Joe Biden sin Onerskraft

Joseph Robinette „Joe“ Biden, Jr. (Ütjspriik: [ˈd͡ʒəʊzəf ˌrɒbᵻˈnɛt ˈbaɪdən]; * 20. Nofember 1942 uun Scranton, Pennsylvania) as en US-ameerikoons poliitiker an sant a 20. Janewoore 2021 de 46. president faan dön Ferianigt Stooten. Uun dön US-Presidentenwool 2020 as hi för fjauer juar weelet wurden. Hi as faan det Demokraatisk Partei.

Faan 1973 tu 2009 wiar hi fertreeder faan det bundesstoot Delaware uun a Senaat faan dön Ferianigt Stooten. Faan 2009 tu 2017 wiar hi uun Barack Obama sin presidentskap de 47. US-vize-präsident. Hi wurd de 18. August 2020 a kandidaat för det Demokraatisk Partei uun det US-Presidentenwool 2020.

Hi seed föl juaren uun det Senate Foreign Relations Committee. Hi wiar 1991 jin a Golfkrich, man wiar diarför, dat lunen uun a uast faan Euroopa lasmooten faan NATO wurd. 2002 saad hi jä tu't resolutschuun tu de Irak-Krich, man naan diartu, dat at taal faan US-saldooten 2007 uun Irak tunimen wurd skul. Hi wiar faan 1987 tu 1995 uk föörstmaan faan det Senate Judiciary Committee.

Hi ferschükt 1988 an 2008, man saner lok, a kandidaat faan det Demokraatisk Partei för't presidentskap tu wurden. 23. August 2008 neemd Barack Obama Biden tu a kandidaat för't vize-presidentskap. Hi wurd vize-president, efter dat Obama a 4. Nofember 2008 a presidentenwool woon.

Luke uk diar[Bewerke | Kweltekst bewerke]

FöörgungerAmtEfterfulger
Donald Trump
President faan dön Ferianigt Stooten

2021-
Dick Cheney
Vize-President faan dön Ferianigt Stooten

2009-2017
Mike Pence