Otfried Schwarz

Faan Wikipedia
(Widjerfeerd faan Panscho)
Didiar artiikel "Otfried Schwarz" as eksklusiif üüb't Nuurdfresk Wikipedia!
Tekst üüb Öömrang


Otfried "Panscho" Schwarz

Otfried "Panscho" Schwarz (* 9. Janewoore 1942 uun Tilsit, † ~ 5. Jüüne 2022 uun Neebel) wiar en konstmooler, di uun Berlin an üüb Oomram lewet hää.

Panscho sin borag uun't juar 2009. Arke juar sjocht det ööders ütj.

Leewent[Bewerke | Kweltekst bewerke]

Panscho as 1942 uun Tilsit bäären, an skul uun April 1945 mä sin aalern flücht. So lunagt hi uun Schleswig-Holstian. Sant 1954 käänt hi Oomram, huar sin aalern leeder en hüs baud haa. Al üs dring hää Otfried tiakent an skulptuuren maaget. San neknööm füng hi, auer hi so hal mä farwen kliam (pansche) maad. 1961 begand hi tu studiarin, iarst uun Kiil bi profesor Brockmann, leeder uun Berlin, bi a profesooren Jaenisch, Bergmann an Bachmann. Tidjwiis hää'er üüb Sardinien werket, miast oober uun Berlin. Sant 1963 hää Panscho flook ütjstelangen ütjracht an hää uk flook griisegrat bilen üüb hüswoger moolet. 1969 füng hi di konstpris faan't stääd Wolfsburg.

Panscho sin borag[Bewerke | Kweltekst bewerke]

Üüb Oomram käänt arken Panscho sin strunborag üüb a Kniip tesken Neebel an Noorsaarep. Det woort arke wos mä strunholt an driiwlis nei apbaud an uun a wonter gongt det miast weder uunstaken. Faan 2002 bit 2005 wiar sin borag sogoor uun Hamborag uun't Altonaer Museum tu sen.

Luke uk diar[Bewerke | Kweltekst bewerke]