Persoonenkilomeeter

Söl'ring

En Persoonenkilomeeter es di Tal, wat en Forkiirsgiraat me jen Kilomeeter me langs fo ken of me langs fair.

Forklaaring

Dit jit, dat en Toch me Diesellok me 300 Liitern üp 100 km fuul forbrent. Wan diar man 500 Menksen of bi 40 % Nüting 200 Liren me langs aak, da sen dit fuar ark Pasajiir bi 500 Mensken 0,6 of bi 200 Mensken 1,5 Liitern üp 100 km, wat nöörig sen.

Di Toch ber altert 500 Plaatsen en 500 Persoonenkilomeetern ön. Forskelen kum fan dit Nüting.

Wan en Bensiinauto 8 Liitern üp 100 km forbrent en 4 Plaatsen heer, da uur diarfan 4 Persoonenkilomeetern önböören, en fuar ark diarfan sen 2 Liitern üp 100 km nöörig.

Litj Föriskeepen sa üs di MS Wellingdorf ön Kiel laap me ombi 10 kWh fuar höör 140 Plaatsen. Fuar en Persoonenkilomeeter sen ombi 70 Wattstünen nöörig, bi en Nüting fan 30 % ombi 220 Wattstünen.

KWh fuar lik Bireekning

Toch

Wan em weet, dat Diesel ombi 10 kWh Brenwert fuar en Liiter heer, da weet em, dat 3 Liitern fuarxen Kilomeeter 30 kWh sen.
Wan fuar jen Pasajiir 1,5 Liitern Diesel üp 100 km nöörig sen, da sen dit 15 kWh bluat fan di Brenwert.
Fuar di Persoonenkilomeeter sen dit da
$15KWh=15000Wh/100km=150Wh$

En Elektrolokomotiiwi nemt bluat 12 bit 15 kWk, da uur dit jit wat gönsiger.

Auto (Bensiin)

Jüst sa slaaget dit me Bensiin (8,5 kWh fan 1 Liiter).
2 Liitern fuar hönert Persoonenkilomeertern sen 17 kWh fan di Brenwert.
Dit meent, dat fuar en Kilomeeter 0,17 kWh of 170 Wattstünen nöörig sen.

Eeđer di Statistik sen man bluat 1,3 Mensken iin ön en Auto. Dit meent, dat em me 8 Liitern döör 1,3 Mensken önerwai es, en dit sen da

$78kWh/1,3P=60kWh$
of 600 Wattstünen fuar en Persoonenkilomeeter.

Auto (Elektro)

Fuar en Elektroauto ken em ombi 16 kWh fuar 100 km reekni. Fuar ark Plaats sen dit 4 kWh üp 100 km.
Dit meent, dat fuar jen Kilomeeter 0,04 kWh of 400 Wattstünen nöörig sen.

Eeđer di Statistik sen man bluat 1,3 Mensken iin ön en Auto. Dit meent, dat em me 16 kWh döör 1,3 Mensken önerwai es, en dit sen da

$16kWh/1,3P=0,197kWh$
of 197 Wattstünen fuar en Persoonenkilomeeter.

Autotoch

Fan jerjüster es di Autotoch aurblewen. Diar pasi 150 Autos ön, ark diarfan heer eeđer di Statistik 1,3 Mensken me langs. Diarfan kum 195 Liren. Aurdat di ruar Toch aliining sin 1.000 Tenen Wecht heer, nemt di Lok skiaren 5 Liitern Diesel of 50 kWh fuar en Kilomeeter.

$50kWh/195P=0,256kWh=256Wh$

Wan di Toch üs olter aaft bluat hualev fol es, da kumt em üp 512 Wh fuar di Persoonenkilomeeter.

$50kWh/92,5P=0,512kWh=512Wh$

Me tau ual Loks nemt di Toch uk hol 7 Liitern fuar en Kilomeeter, da kostet di Böđer höör Jil.

Di Bireekning föligt da di Energi en dit Nüting.

Energii / Persoonental * Nüting = Energii fuar di Persoonenkilomeeter