Peter Klint

Faan Wikipedia
Söl'ring


Di Konstmaaler Peter Klint (Söl 2011)
Peter Klint: Rotes Kliff, Kiel 2008

Peter Klint (* 11.11.1971 ön Weesterlön'/Söl') es en dütsk Konstmaaler.

Sin Wai[Bewerke | Kweltekst bewerke]

Sent dit Jen fan di Tachentiger Jaaren maalet Klint Skelter. Sent 2001 maaket hi niin üđer Aarber muar.
Miisttirs maalet he figuratiif of teeknet minimalistisch - aaftinoch nemt hi kraftfoli Klöören, en di miist Skelter sen ek olter gurt. Di Aarbern fan Klint weegi aaftinoch iinfachi Bigeewenhairen, wat he me sin faini Ironii karikiaret.

Iin ön dit "Neue Sylt Lexikon" (Wachholtz Verlag, Neumünster 2007), wat dit Nordfriisk Instituut ütdönen heer, es Peter Klint uk tö finj.

Ön Juni 2010 es Peter Klint me sin Familii weđer tö Söl' kemen.
Ja haa en Hüs ütbecht, wat nü üs Atelier Klint en Plaats es, hur Könstlern fan ali Lönen jam raaki.

Jenstrekteekni achter Törööpin[Bewerke | Kweltekst bewerke]

Bi di Konstauktion Einstrichzeichnen auf Zuruf aarbert di Könstler me di Bisjukers töhop.
Di sii diarbi wunerk Uurter, en dit teeknet Peter Klint ön jen Strek.
Dit diari es gans gur, wan em ön en gans ain Skelt haa maat, en miisttirs es dit uk mal spaasig.

Niigen fan des "Jenstrekteekningen" kür em ön di Ziegel 11 biluki, dat "Hamburger Jahrbuch für Literatur" (Dölling und Galitz Verlag, Hamburg 2008).

Ön Detsembermuun fan 2009 es ön Hamborig en Benefizevent wesen, hurfuar di jerst Böörföger fan Hamborig, Ole von Beust, di Sjutsherskep önnemen hee.
Diarbi heer Klint Jenstrekteekningen maaket, dat dit Jil diarfan hentö di "Sylter Rehabilitationsklinik für Familien mit einem krebskranken Kind" ön Woningstair giar.

Ön di Maimuun fan 2009 wiar uk Jenstrekteekning, en dit wiar bi di "Lung Nacht aur di Museen" ön't Altonaer Museum ön Hamborig.

Natwarken fuar Könstlers[Bewerke | Kweltekst bewerke]

Ön di Uurs fan 2006 heer Peter Klint Könstlers töhop braacht, hoken Stuckisten jit.
Di diar Ker kumt fan ali Lönen en wel wat fuar delings figuratiif Maalerii dö.
Ön di Oktoober fan't salev Jaar waar Klint sin Skeltern weeget, üs di The Triumph Of Stuckism iin ön di Liverpool John Moores University biluket uur kür, hur uk di Skelter fan üđer Stukisten bi wiar.

Ön di Somer fan 2007 heer di Könstler en Konglomeraat ütröpen. Di diar 30 Meföligster keem fan Dütsklön, Österreich, Belgien, di Neederlönen, Engilön, di USA und Austraalien. Diarfan sen da Ütstelingen kemen, hur alis töhop 16 Könstlers fan 4 Lönen diilnemen haa. Dit diari wiar ön September en November fan 2007 ön Kiel, Hamborig en Krefeld.
Di leest Ütsteling fan't Konglomeraat wiar ön Köln, en dit wiar ön di Februwaari fan 2008.

Ön 2009 röp Klint Lir fan Hamborig en Sleeswig-Holstiin fuar en Kerprojekt töhop.
Fan di diar NordStart sen tau thematisiareti Kerütstelingen kemen:
Di jerst wiar ön Hamborig, Galerii "xpon-art" en diar es uk wat Söl'ring sjungen uuren.
Di taust en leest Ütsteling wiar iin ön di "Bürgergalerie Neumünster".

Luki uk jir[Bewerke | Kweltekst bewerke]