Proovlaag

En Proovlaag es en Technik fan di Aarber me Fārev. Diarbi jert dit tö di Sliptechnik.

Wan em en Grünj slipet heer en weet wel weđer dit hiilendal gleer uuren es, da sprüt of strikt em en Laag Fārev diarüp, wat fuul junker of leechter es.
Des uur da weđer slipet, binai sa fiir bit dat des taust Laag wech es.
Hur di Kontrastklöör jit tö se es, diar sen Hööler of Daanken, wat em jit āpfel mut. Wan di Önergrünj en üđer Kontrastklöör heer, da ken em uk Knasten of Buulen keen, wat en bet hooger sen.

Ön di gre Grünjfārev ken em Daanken en Knasten se wan dit jit ek drüch es. Diar ken em man ek fuul me bigen.
En wit Laag waar aur di gre Laag streeken. Hur Knasten sen, diar uur di wit Fārev döörslipet.
Wan em Daanken se wel, da mut jit en trēr Klöör boowen üp. Hur des ek wechslipet es, diar sen Daanken. Hur di gre Fārev döörkumt sen jit Knasten.

Bi sok Aarber uur fuar't Miist wiit en fan Hun slipet, dat em gur se ken hur'ling dit fiiđergiar en dat em ek döörslipet hur litj Buulen iin ön di Önergrünj sen.