Raantem-Beken
 Söl'ring
|
Dat Raantem-Beken liit üp Söl, süđern fan Weesterlön, süđweestern fan Tinem en nuurđern fan Raantem. Weestern diarfan es di Önlaag, wat dat Skitweeter fan Söl riinmaakit en weestern fan des es di Eidem-Fügelkui tö finj.
Histoorii
[Bewerke | Kweltekst bewerke]Dat Raantem-Beken skul jerst en Flugplaats fuar Fliigers uur, wat üp Weeter landi ken (Ombi 1936).
Diaraur es en Koog fan Raantem-Nuurđ hentö di Nösi-Dik bi Tinem becht uuren, hur dat Weeter fan Eeb en Flöör iin en üt ken.
Fuar di diar Flöören tö stjüüri sen Slüüsen me Pompen diarbenen iin ön di Koogsdik becht uuren.
Wan di nii Koog klaar wiar, hee Dütsklön wat Lön fan Denemark iinnemen, hur di Fliigers nü henflö kür. Sa sair em, dat em di Koog fuar di Krich ek muar brük wel.
Leeeterhen skul dat Beken ütdrügit uur en fjuur Buernstairen diar hen kum.
Me di Kanalisatsjoon fan Weesterlön skul em di Ofweeter luasuur. Dit kām aur Röören hentö't Raantem-Beken.
Natuursjuts
[Bewerke | Kweltekst bewerke]Sent 1962 uur di Koog renaturiarit en fuar di Sjuts fan di Seefügeln iinrocht. 1968 uur dit Euroopareserwaat.
Ön di soowentiger Jaaren uur di Skitweeter-Tauiönlaag becht en langsen modernisiarit.
Bitö dat Raantem-Beken es en Campingplaats en bi't Kasernenareaal ön Süđern staant nü en gurt Hotelsaamling.
Forwiisen
[Bewerke | Kweltekst bewerke]- Lönsgisets aur dat Sjutsgibiit Raantem-Beken Fan di 29. Nowember 1983
- Lageplan tö't Lönsgisets (PDF-Daatei; 187 kB)
Skelter
[Bewerke | Kweltekst bewerke]-
Bi di Benendik, em lukit Rochting Raantem.
Lefts ön di Kiming sjocht em Föör. -
Sjip -
Sa sjocht et üt, wan em fan di Nösi-Dik fuar Tinem üp Söl hentö Raantem lukit. Lefts sjocht em di Bekendik. -
Informatsjoon
