René Desfontaines

Tekst üüb Fering

René Desfontaines

René Louiche Desfontaines ([de.fɔ̃.tɛn]; * 14. Febrewoore 1750 uun Tremblay, Bretagne; † 16. Nofember 1833 uun Pariis) wiar en fraansöösk botaaniker.

Desfontaines wurd nai bi Tremblay uun a Bretagne bäären. Hi ging tu't Collège de Rennes an studiaret faan 1773 medisiin uun Pariis. Uun Pariis ging hi tu Louis Guillaume Lemonnier sin föörleesingen uun a Jardin des Plantes an sin interese för't botaanik wurd wreeknet. Hi studiaret do botaanik oner botaaniker Bernard de Jussieu. 1786 wurd hi üüs Lemonnier san efterfuliger tu a prufeser för a botaanik uun a Jardin neemd. Hi ging för tau juar tu Tuneesien an Algeerien an saamelt faan döndeer lunen föl plaanten.

Werken

• Flora atlantica, sive Historia plantarum, quae in Atlante, agro tunetano et algeriensi crescunt, 2 Binjer (Atlantisk Plaanten, of Histoore faan a Plaanten, wat uun a Atlantik, lunen faan Tuneesien an Algeerien waaks; 1798–1799).
• Tableau de l'école de botanique du Muséum d'histoire naturelle (Tabel faan't Skuul faan Botaanik faan't Museeum faan't Natüürhistoore; 1804).
• Choix des plantes du Corollaire des instituts de Tournefort (Ütjwool faan a Plaanten faan't Korolaar faan't Instituut uun Tournefort; 1808).
• Histoire des arbres et des arbrisseaux qui peuvent être cultivés en pleine terre sur le sol de la France (Histoore faan a Buumer an Bosker, wat uun fol grünj üüb't eerd faan Frankrik plaantet wurd kön; 1809).
• Voyage dans les Régences de Tunis et d'Alger (Rais uun a Prowinsen faan Tunis an Algier; 1838).