Martsrewolutsion
 Tekst üüb Öömrang
|
At Martsrewolutsion of uk Sjiisk Rewolutsion faan 1848/49 wiar en politisken apstant uun a Sjiisk Bund faan Marts 1848 bit Jüüle 1849. Di apstant lingd widj auer a Sjiisk Bund henwech iin uun't Könangrik Ungarn, Booweritaalien an Poolen.
Hat wiar fööraal en liberaal, bürgerlik an demokraatisk aplönin jin a absolutismus, det regiarin faan a aadel. Al uun Janewoore 1848 wiar't diarauer uun Itaalien an Spoonien tu stridj kimen, uun Febrewoore 1848 uun Frankrik.
Di 18. Mei 1848 as do uun a Paulssark uun Frankfurt det iarst demokraatisk parlament uun Sjiisklun tuupkimen. A föörsten an könger wul det oober ei hen nem, an haa uun a Jüüne 1848 at militeer luas sjüürd, am a demokraaten tu ferfulgin an fääst tu nemen. Det rewolutsion kaam tu aanj, an hör uunfeerern san flücht tu Frankrik, Ingelun an a Sweits, man uk tu Ameerikoo an Austraalien, huar jo Fortyeighters näämd wurd: Aachtanfiartager.
Uun Nuurdfresklun wiar't Harro Harring, di a 23. Jüüle 1848 sin „Reede tu a Nuurdfresken“ üüb a markes faan Breetsteet hääl. Diar wul hi en Nuurdfresk Republiik ütjrep, man det hää uk ei loket.
Luke uk diar
[Bewerke | Kweltekst bewerke]
Commonskategorii: Martsrewolutsion – Saamlang faan bilen of filmer