Sansibar (Lokaal)

Faan Wikipedia
Zur Navigation springen Zur Suche springen
Sylt2.png Söl'ring


Di Sansibar es en bikeent Restaurant üp Söl. Benen ken 160 Liren set en büten jit 250 (Terasi ön di Dünemern).
Di Sansibar heer en Wiinkeler, en diar sen aliweegen ombi 30.000 Borelern fan aur düüsent Aarten[1].

Histoorii[Bewerke | Kweltekst bewerke]

1974 kām Herbert Seckler naa Söl. Hi her di Köökin liirt, en hi wiar tö des Tir 22 Jaaren ual. Di jest Tir her hi Bruarwenig fan di Gastronomii üp Söl. Leeterhen kür hi en Kiosk koopi, wat ön di Strön twesken Raantem en Hörnem stön.
Diar waar da Iit, Mārigern en Pommes Frites forkoopet[2].
Des Imbis her di Noom "Sansibar". Ön di Wuntertir her Seckler Bruarwening üp Böterskeepen. 1982 buan di jest "Sansibar" wech, en Herbert Seckler kām üp di Taacht, en nii jen āptöbech.
2009 maaketi di Gastronomikritiker Gault-Millau Herbert Seckler tö di „Restaurateur des Jahres“[3], di Sansibar waar me 13 Punkti ütteeknet.

Noom[Bewerke | Kweltekst bewerke]

Di Noom kumt fan di Strön-Diil, hur dit Lokaal stuunt. Fan di 1930er Jaaren fing trii fan di FKK-Strönen üp Söl exootisk Noomern. Di Strön bi Woningstair jeet "Abessinien", süđern Raantem wiar tau Strönen me ni Noomern "Sansibar" en "Samoa"[4].

Sansibar Düsseldorf[Bewerke | Kweltekst bewerke]

Di jest en bit nü iining Filiaali fan di Sansibar es ön Düsseldorf, ön di Kö-Böög. Dit diari Restaurant me Lounge es 400 Kwadraatmetern gurt en es iin ön dit Moori-Koophüs Breuninger (in-shop-Model)[5].

Sansibar-Stores[Bewerke | Kweltekst bewerke]

Di "Sansibar-Stores" üp Söl en ön't Internet ken em Moorisaaken fan "Sansibar" sa üs uk skuur, Pöösen, Tasken, Püntjikraam koopi. Ja haa diar uk Wiin en Iit tö forkoopi.
Ön dit Krütsfaarskep Europa es en Filiaali fan di „Sansibar“[6].
Sent 2007 dēr di Sansibar di Noom fuar Menüüs, dānen em ön di Fliigern fan Air Berlin koopi ken, wan di Flocht leenger üs 90 Minüten waaret.

Ön Hamborig jeft et uk san Shop, dit es iin ön dit "Alstertal-Zentrum".

Sponsoring[Bewerke | Kweltekst bewerke]

Ö di Saison 2014/15 heer di Sansibar - fuar jen Spöltir - di FC Würzburger Kickers iin ön di Regionaal-Liiga Bayern sponsert. Di Trainer fan Würzburg Bernd Hollerbach her fuar di Kontakt twesken di Futballforiining en di Sansibar sörigt, en diar her em Lest en help jam jens üt[7].

Sent di Saison 2015/16 sponsert di Sansibar di Hunenball-Bundesliigisten THW Kiil.[8]

Literatur[Bewerke | Kweltekst bewerke]

Weblinks[Bewerke | Kweltekst bewerke]

Sansibar ön't Nat

Einzelnachweise[Bewerke | Kweltekst bewerke]

  1. Sansibar Sylt - Detaillierte Beschreibung der Sansibar. Ön: www.sylt-kompass.de. ufrepen di 9. September 2015.
  2. Die Küche ist das Herz des Restaurants - Interview mit Herbert Seckler. Website des Magazins reisen EXCLUSIV, abgerufen am 16. Januar 2014.
  3. Sansibar Sylt - Gault Millau kürt Herbert Seckler zum „Restaurateur des Jahres“. Ön: news.reisefuehrer-deutschland.de. ufrepen di 27. Jüüle 2011.
  4. fkk-museum.de
  5. sansibarbybreuninger.de
  6. MS Europa | Kreuzfahrten, Schiffsbewertungen, Fotos MS Europa. Ön: shipedia.eu. ufrepen di 27. Jüüle 2011.
  7. Sansibar aus Sylt wird Trikotsponsor der Würzburger Kickers
  8. thw-handball.de: Sansibar Sylt ist neuer Partner des THW Kiel
54.814528.285224