Tams Jörgensen

(Vilhelm) Tams Jörgensen (* 11. Maarts 1924 uun Hüsem, † 19. April 1987) wiar en spriakwedenskapsmaan.

Leewent

Sin aalern wiar Wilhelm Jürgensen an Ilse (bäären Tams). 1946 begand hi, uun Freiburg, Kiil an Kopenhuuwen sjiisk an ingelsk tu studiarin. 1955 hää'er sin werk „Frasch-Tjüsch-Dånsch Uurdebök“ ütjden.

Tams Jörgensen hää ham diarför iinsaat, dat 1964/65 at Nordfriisk Instituut grünjlaanj wurd. Diar hää'er a Nuurdfresk Juarbuken bewerket an faan 1971 hää hi bi at Pedagoogisk huuchskuul faan Flensborag frasch onerracht den.

Tams hää föl för at ferbinjang mä Waast- an Uastfresklun werket. Hi hää a interfriisk studentendraapen organisiaret an at biak üüb a Stolberag uun't leewent repen. Tams küd gud mä jong lidj an hää fölen at fresk kultüür nai broocht.

Werken

"Snaak Friisk! - Interfriisk Leksikon", Nordfriisk Instituut, Bräist, 1977
"Frasch - Tjüsch - Dånsch Uurdebök", 2. aplaag, Nordfriisk Instituut, Bräist, 1978
"Kleines friesisches Wörterbuch der Nordergoesharder Mundart", Nordfriisk Instituut, Bräist, 1981

Literatüür

Thomas Steensen: Abschied von Tams Jörgensen. Uun: Nordfriesland 77/78 (Jüüne 1987), S. 9-10.

Luke uk diar

Tams Jörgensen Fonds bi't Nordfriisk Instituut
Biografii (schiisk)

Wikisource: Biikensung