Text:Üüs Söl'ring Lön'

Faan Wikipedia
Zur Navigation springen Zur Suche springen
Sylt2.png Söl'ring


En litj Video



1
Üüs Söl’ring Lön’, dü best üüs helig
Dü blefst üüs ain, dü best üüs Lek!
Din Wiis tö hual’en, sen wü welig
Di Söl’ring Spraak auriit wü ek.
Wü bliiv me di ark Tir forbün’en,
Sa lung üs wü üp Warel’ sen.
Uk diar jaar Uuning bütlön’ fün’en,
Ja leeng dach altert tö di hen.

Chorus:
Kumt Riin, Kumt Senenskiin,
Kum junk of lekelk Tiren,
Tö Söl’ wü hual’ Aural;
Wü bliiv truu Söl’ring Liren!

2
Di Seewinj soong me litjem Suusin,
Hur ik üp Söl’ üs Dütji slöp;
Fan Strön’ jert ik dit eewig Bruusin,
Üs ik bi Mooters Hun’ jit löp.
Ik haa di Stairer al bihöl’en,
Diar jens üüs Jungens Hemelrik,
Di Teft ön Uursem, fol fan Krölen,
Üüs Spölplaats bi di Bosk üp Dik.
(Chorus)

3
Üüs Taachten hual’ jit fast omslüngen,
Wat üüs fan litj ap wert en lef:
Üüs Terp, hur wü tö Skuul jens gingen,
Üüs Mark, üüs Hiir’, di Wai bi Klef,
Ark Stich, hur wü üs Jungen ronen,
Ark Stegelk, diar aur Eeker gair,
Di Hooger, hur wü Biike bronen:
Hat es jit ales üp sin Stair.
(Chorus)

4
Di Hooger se sa stolt wü liien;
Üüs Fuartirs Kēmpers wiili diar;
Ual’ Tialen weet üüs jit tö siien,
Wat ön forgingen Daagen wiar.
Üüs Fuarfaarn haa fuul hön’ert Jaaren
Jir pluuget en jaar Aarber dön,
En uun wiar's, fiir aur See tö faaren;
Man Söl’ring bleev's üp See en Lön’.
(Chorus)

5
Üüs Söl’ring Lön, dü best üüs helig;
Dü blefst üüs ain, dü best üüs Lek!
Gair't aaft üp Warel’ uk forskelig,
Üüs Spraak en Wiis auriit wü ek.
Let altert, wan ön frügelk Stün’en
Wü fan üüs Ailön’ sii en sjung,
Üüs lööwi: Wü wel, truu forbün’en
Üüs Söl’ring frii döört Leewent gung!
(Chorus)


C. P. Christiansen


Video[Bewerke | Kweltekst bewerke]

Üüs Söl'ring Lön'

Help: Video giar ek?
Sa skel dit wiis: Söl'ringer sjung dat Leedji bi en Kop Kofi.

Luki uk jir![Bewerke | Kweltekst bewerke]