Text:Di spånker

Faan Wikipedia
Zur Navigation springen Zur Suche springen
Bökingharde.png Täkst aw mooringer frasch


Di spånker

Di uurs as sü mil än e hamel sü ween,
hartliiw mam duch, lätj önj e fiirnse me tiinj.
Min påk aw e neek än e stook önj e hönj
ferlätj ik et hüs än spånk wid ouer lönj.
Jum judi, judi falera, judi faleraleralera.

Ik spånk döör hiil Tjüschlönj än kam tu di Rhein,
Ik sii wat än liir wat, hü wårt dåt wälj fain.
Än sat min latj mam dan fort waning än spant,
dan tånkt's: Weer man dring wälj turuchte ham fant?
Jum judi, judi falera, judi faleraleralera.

Min hoonwärk, dåt koon ik, fertiin uk min lüünj,
bål wård ik dan mäister, ik schal't wälj nuch füünj.
Än kam ik dan sün önj min toorp wi tubääg,
kiiket mam üt et waning än lååket for häi.
Jum judi, judi falera, judi faleraleralera.


Nis Albrecht Johannsen