Text:Stiiner bi Strön

Faan Wikipedia
Zur Navigation springen Zur Suche springen
Sylt2.png Söl'ring


Stiiner bi Strön

Fan C. P. Christiansen

Ik wiar itüüs en ging bi Strön;
Di Senskiin lair aur See en Lön.
Ik ging en taacht en saamelt Stiin;
Ja wiar sa blank, ja wiar sa riin.

Di jen wiar wit, di üđer blö
En green di trēr, en broket tö;
Di fjaart wiar ruar üs glemen Jöl,
Wat sen di Stiiner dailk üp Söl’!

Dach üs ik di Stiiner nü me mi noom,
Forging jaar Glimrin alik üs en Droom. –

Üs Bloomen weli, wan-s ofploket sen,
Sa gair’t me Stiiner jaar Skimer tö Jen,
Nemst dü jam me tö en üđer Stair,
Hur oler di Seewinj muar aur jam tair. –

Wan Mensken swügi, da prötji di Stiin;
Wat-s sii, dit skriiv dü ön’t Hart di iin:
“Din Tüs, min Dreeng, auriit dü ek;
Hat es din Glans, hat es din Lek”

Luki uk jir[Bewerke | Kweltekst bewerke]

Stiiner bi Strön üp YouTube