Thomas Morus

Faan Wikipedia
Tekst üüb Fering


Thomas Morus (1527)

Sir Thomas Morus (üüb Ingels: Thomas More; * woorskiinelk 7. Febrewoore 1478 uun London; † 6. Jüüle 1535 uk diar) wiar en ingels stootsmaan an humanistisk skriiwer faan't Renaissance. Hi kaam faan en welstääld bürgerfamilje. Hi studiaret uun Oxford an London. Faan 1504 wiar hi lasmoot faan det Ingels parlament an faan 1529 tu 1532 lordkansler faan köning Heinrich VIII.. Hi wiar frinj faan a skriiwer Erasmus faan Rotterdam an a konstmooler Hans Holbein de Jonger. Auer hi ei at boowerhuuchhaid faan a köning auer't sark gudkeen wul, wurd hi henracht. Hi wurd bekäänd troch sin buk Utopia (1516). Uun det iarst dial faan't buk kritisiaret hi skarep a masstant uun Ingelun. Uun det naist dial beskraft hi en seelskap, wat üüb likhaidgrünjsatser, flitj an't streewin efter biljing basiaret as.

Ütjspröök[Bewerke | Kweltekst bewerke]

Traditsioon ment ei, det ääsk tu feriarin, man det ial widjer tu dun.[1]

Kwelen[Bewerke | Kweltekst bewerke]

  • Steiner, G., ed (1971), Meyers Taschenlexikon: Fremdsprachige Schriftsteller, VEB Bibliographisches Institut, Leipzig, s. 425-426.
  1. Radio Bayern 2