Code faan sidj Waastkap (Prowins) uunluke

{{Fering}}

[[Datei:Western_Cape_in_South_Africa.svg|thumb|Det '''Waastkap Prowins''' uun Süüdaafrika]]

Det '''Waastkap Prowins''' (üüb [[Ingels]]: ''Western Cape Province'', üüb [[Afrikaans]]: ''Provinsie Wes-Kaap'') as ian faan dön njüügen prowinsen faan [[Süüdaafrika]]. At prowins leit uun a süüdwaast faan't lun. Uun a nuurd leit det [[Nuurdkap (Prowins)|Nuurdkap Prowins]], uun a uast det [[Uastkap (Prowins)|Uastkap Prowins]], uun a süüd de [[Indisk Oosean]] an uun a süüdwaast an waast a [[Atlantik]]. Det hee 5.822.734 lidj (2011)<ref>[http://citypopulation.de/SouthAfrica-UA.html ''South Africa: Provinces and Major Urban Areas'', citypopulation.de]</ref>. At hoodsteed faan’t prowins as [[Kapsteed]].

==Geografii==
De kul [[Benguelastruum]] käält at kliima am a [[Kap faan de Gud Hööb]], so dat ham a Westkap tu a winbau eegnet, ofwel det uun en nüürdelk laag as.

Uun't regiuun uun a süüdwaast, am Kapsteed, riint at för't miast en wontrem, man uun a süüddial loongs de Indisk Oosean riint at det hiil juar. At jaft en keed faan berger, diaroner a [[Sederberger]], a [[Hexrivierberger]], a [[Outeniekwaberger]] an a [[Tsitsikammaberger]], wat at eegregiuun faan't inlun skääst.

Uun a nuurdwaast faan't prowins, loongs a Atlantik, leit det drüüg lunskap faan [[Namaqualand]]. Uun't inlun, uun a nuurduast, leit dial faan det [[Grat Karoo]]. Det [[Letj Karoo]] leit uun a maden faan't prowins, twesken a steeden [[Worcester]] an [[George]]. 

[[Kap Agulhas]], wat de süüdermiast ponkt uun [[Aafrika]] an uk at geograafisk grens twesken a [[Atlantik]] an de [[Indisk Oosean]] as, leit bi a süüdeeg.

At prowins hee seeks natschunaalparken: [[Agulhas-Natschunaalpark]], [[Bontebok-Natschunaalpark]], [[Guardruut-Natschunaalpark]], [[Karoo-Natschunaalpark]], [[Tafelberg-Natschunaalpark]] an [[Waasteeg-Natschunaalpark]].

====Struumer====
* Struumer, wat iin uun a Atlantik leept: de [[Olifants Struum]] an de [[Groot Berg Struum]].
* Struumer, wat iin uun de Indisk Oosean leept: de [[Gourits Struum]] an de [[Breede Struum]].

===A Wäält faan a Diarten===
* A [[Kap-Berigzebra]] (''Equus zebra zebra'')
* A [[Süüdaafrikoons Küantiloop]] (''Alcelaphus caama'')
* A [[Eelenantiloop]] (''Taurotragus oryx'')

===A Wäält faan a Plaanten===
Det grat dial faan't lunskap faan't prowins as faan ''fynbos'', en slach faan bosk- of hiaslun, wat ei föl buumer hee, bedobet. En dial faan a ''fynbos'' as at ''renosterveld'' wat efter a [[Nööshurnbosk]] (''Elytropappus rhinocerotis''; üüb [[Afrikaans]]: ''renosterbos''), en plaant wat detheer lunskap dominiaret, neemd as. 

* A [[Salwerbuum]] (''Leucadendron argenteum'') weekst üüb [[Toofelberig]] nai bi [[Kapsteed]]. Det weekst uk nai bi [[Stellenbosch]], [[Somerset West]] an [[Paarl]]
* Uun a uast faan't prowins weekst [[Kap-Aloe]] (''Aloe ferox'').

===Steeden===
{{Positionskarte+| Südafrika Westkap | width=450 | float=right | maptype=relief | caption=Koord faan det '''Waastkap Prowins''' | places=
 {{Positionskarte~ | Südafrika Westkap | position=7 | lat=33/55/31/S | long=18/25/26/O | region=ZA | label='''[[Kapsteed]]'''}}
 {{Positionskarte~ | Südafrika Westkap | position=9 | lat=33/43/27/S | long=18/57/21/O | region=ZA | label=<small>[[Paarl]]</small>}}
 {{Positionskarte~ | Südafrika Westkap | position=4 | lat=34/05//S | long=18/51//E | region=ZA | label=<small>[[Somerset West]]</small>}}
 {{Positionskarte~ | Südafrika Westkap | position=9 | lat=33/58//S | long=22/27//O | region=ZA | label=<small>[[George (Steed uun Süüdaafrika)|George]]</small>}}
  {{Positionskarte~ | Südafrika Westkap | position=2 | lat=33/38/42/S | long=19/26/37/O | region=ZA | label=<small>[[Worcester (Steed uun Süüdaafrika)|Worcester]]</small>}}
 {{Positionskarte~ | Südafrika Westkap | position=3 | lat=33/56/12/S | long=18/51/41/O | region=ZA | label=<small>[[Stellenbosch]]</small>}}
 {{Positionskarte~ | Südafrika Westkap | position=9 | lat=33/34//S | long=18/29//O | region=ZA | label=<small>[[Atlantis (Süüdaafrika)|Atlantis]]</small>}}
 {{Positionskarte~ | Südafrika Westkap | position=9 | lat=34/11//S | long=22/08//O | region=ZA | label=<small>[[Mosselbocht]]</small>}}
 {{Positionskarte~ | Südafrika Westkap | position=9 | lat=33/35//S | long=22/12//O | region=ZA | label=<small>[[Oudtshoorn]]</small>}}
 {{Positionskarte~ | Südafrika Westkap | position=3 | lat=34/02/08/S | long=23/02/56/O | region=ZA | label=<small>[[Knysna]]</small>}}
}}

Dön tjiin gratst steeden uun't prowins san:

{| class="wikitable"
|-
! # !! Steed !! Lidj (2011)<ref>[http://citypopulation.de/en/southafrica/cities/ ''South Africa: Provinces and Major Urban Areas'', citypopulation.de]</ref>
|-
| 1 || [[Kapsteed]] || 3.430.992
|-
| 2 || [[Paarl]] || 197.735
|-
| 3 || [[Somerset West]] || 188.035
|-
| 4 || [[George (Steed uun Süüdaafrika)|George]] || 157.397
|-
| 5 || [[Worcester (Steed uun Süüdaafrika)|Worcester]] || 97.075
|-
| 6 || [[Stellenbosch]] || 80.316
|-
| 7 || [[Atlantis (Süüdaafrika)|Atlantis]] || 69.055
|-
| 8 || [[Mosselbocht]] || 65.887
|-
| 9 || [[Oudtshoorn]] || 61.508
|-
| 10 || [[Knysna]] || 50.029
|}

===Indialing faan Ferwalting===
[[Datei:Map_of_the_Western_Cape_with_municipalities_named_and_districts_shaded_(2016).svg|thumb|Koord faan a Munisipaliteeten faan det '''Waastkap Prowins''']]

At prowins hee ian steed-munisipaliteet ([[Kapsteed]]) an fiiw distrikt-munisipaliteeten:
* [[Waastküst]] 
* [[Kaps Winlunen]] 
* [[Overberg]]
* [[Guardruut]] 
* [[Madel Karoo]]

==Befölkring==
Det letst folksteeling wiar uun't juar 2011. Efter a resultooten hee't prowins 5.822.734 lidj: 2.964.228 faan a lidj san wüfhööd an 2.858.506 san karmen<ref>[http://citypopulation.de/en/southafrica/admin/1__western_cape/ ''Western Cape: Province in South Africa'', citypopulation.de]</ref>.

===Spriiken===
[[Datei:Western Cape dominant language map.svg|mini|Ferdialing faan a Spriiken uun a Waastkap (Folksteeling 2001):
<div style="column-width:8em">
{{Farblegende|#8dd3c7|[[Afrikaans]]}}
{{Farblegende|#ffffb3|[[Ingels]]}}
{{Farblegende|#fb8072|[[isiXhosa]]}}</div>
{{Farblegende|#d0d0d0|Nian spriik hee en grat taal}}]]

Efter't folksteeling uun't juar 2001, 55,3 % faan a lidj uun't prowins snaaket [[Afrikaans]], 23,7 % [[Xhosa (Spriik)|Xhosa]] (''IsiXhosa'') an 19,3 % [[Ingels]]<ref>{{Webarchiv | url=http://www.info.gov.za/otherdocs/2003/census01brief.pdf | wayback=20120518195246 | text=Folksteeling faan 2001 (Resultoot üüs pdf; 624&nbsp;kB)}}, s. 16.</ref>.

==Histoore==
At prowins wurd 1994 grünlaanjen. Iar wiar det dial faan det [[Kapprowins]].

==Politiik==
[[Datei:Western Cape Provincial Parliament 2019.svg|thumb|left|Ferdialing faan Sitsen uun't Parlament faan a Waastkap sant 2019:<br /><div style="column-width:8em">{{Farblegende|#1f78b4|DA (24)}}{{Farblegende|#33a02c|ANC (12)}}{{Farblegende|#8B0000|EFF (2)}}{{Farblegende|#F36900|Good (1)}}{{Farblegende|#CC0000|ACDP (1)}}{{Farblegende|#ff7f00|VF+ (1)}}{{Farblegende|#1c9069|Al Jama-ah (1)}}</div>]]

Det ''Western Cape Provincial Parliament'' as at parlament faan't prowins. Det weelet at kabinet an a premier-minister faan't prowins faan't partei of koalitschuun, wat dön miast lasmaaten uun't parlament hee. A premier-minister faan't prowins sant 2019 as [[Alan Winde]] faan det ''Democratic Alliance'' (DA). Det DA as sant 2009 det starkst partei uun't parlament.

Dön ual premier-ministern san: [[Helen Zille]] (2009-2019), [[Lynne Brown]] (2008-2009), [[Ebrahim Rasool]] (2004-2008), [[Leonard Ramatlakane]] (23-30  April 2004), [[Marthinus van Schalkwyk]] (2002-2004), [[Piet Meyer]] (3-21 Jüüne 2002), [[Peter Marais]] (2001-2002), [[Cecil Herandien]] (Nofember-Deetsember 2001), [[Gerald Morkel]] (1998-2001), [[Hernus Kriel]] (1994-1998).

==Wiartskap==
At prowins hed uun't juar 2016 en [[BIP]] faan 596.043 miljuunen [[Süüdaafrikoons Rand|Rand]], wat 13.7 % faan't BIP faan [[Süüdaafrika]] as<ref>[http://www.statssa.gov.za/?page_id=735&id=1&paged=2 Stats SA, ''Provincial GDP Figures'']</ref>. At tiinstleistingssektoor as uu so grat jinauer dön öler prowinsen uun't lun. Detheer sektoor maaget 2017 74 % faan det wiartskapelk aktiwiteet uun't prowins ütj. Uun't auerbliiwsel faan't lun wiar't 69 %. Uun a jinsats diartu druch at primeersektoor (lun- an forstwiartskap, fascherei, berigbau an stianbreegen) bluat 5 % tu det wiartskapelk aktiwiteet uun't prowins. Uun't auerbliiwsel faan't lun wiar't 12 %. Detheer letjer uundial faan't primeersektoor as fööraal üüb det letj berigbausektoor uun't prowins, jinauer öler prowinsen faan't lun, turag tu feeren<ref>[https://www.westerncape.gov.za/provincial-treasury/files/atoms/files/PERO%202019.pdf Western Cape Government Provincial Treasury, ''Provincial Economic Review & Outlook 2019'', s. 29]</ref>.

Kapsteed hee det wichtigst rol uun't wiartskap faan't prowins. At steed maaget uun't juar 2016 72% faan det wiarskapelk aktiwiteet faan't prowins ütj<ref name=":1">{{Cite web|url=https://www.westerncape.gov.za/assets/departments/treasury/Documents/Research-and-Report/2017/2017_pero_printers_proof_21_september_2017_f.pdf|title=Provincial Economic Review and Outlook 2017|last=Western Cape Government|date=September 2017|website=www.westerncape.gov.za|pages=5–6|access-date=13 May 2019}}</ref>.

At prowins as en wichtig sentrum för hanel, industrii an lunwiartskap an en wichtig winregiuun. Bitu faan drüüwen wurd uk öler früchten an gemüüsen plaantet. Uun a nuurd an uast faan Kapsteed as wiaten en wichtig fung. At faskerei as det wichtigst industrii bi a waasteeg, an uun't [[Karoo]] wurd schep aptaanjen. At turismus as uun't prowins uk uu so wichtig.

==At Belukin Wäärt==
* [[Kapholuns Architektüür]] uun [[Stellenbosch]], [[Swellendam]], [[Tulbagh]] an [[Graaff-Reinet]].
* At ''[[Tuynhuys]]'' uun [[Kapsteed]], wat uun't [[17. juarhunert]] baut wurd.

==Kwelen==
<references/>

{{Prowinsen faan Süüdaafrika}}

[[Kategorie:Prowins uun Süüdaafrika]]
[[Kategorie:Waastkap Prowins| ]]