Willy Schröder

Söl'ring

Willy Schröder (15.12.1919 - 8.1.2015) wiar en bēren Muasemböör.

Leewent

Sin Bruarwening es et wesen, tö See tö faar. Hi waar Koptain üp gurt Faart.
Leeterhen, üs sin Jungen (Trii Faamnen en nen Drēng) kām, heer Schröder ön di Nuurđ-Uastsee-Kanaal üs Lootsi aarbert.

1967 heer Willy Schröder en slimi Önfal me sin Wain. Eeđer des kür hi ek muar aarberi, en sa ging hi me sin Familii töbeek naa Muasem.
Schröder heer masi Lön ön Muasem forkoopet. Hi heer uk en Hüs becht, hur tau Uuningen benen wiar.
Jen Uuning diarfan en en Uuning iin ön sin jialer Hüs heer hi langsen hentö Lir forhüürt, dānen üp Söl lewi wel.

Willy Schröder wiar sent 1948 bifriit me sin Wüf Anna, bēren Matzen (*1922) diar ön Muasem-Uasterjen bēren en āpwukset es.
Fan höör sen sa Saaken tö liir üs dit, dat, wat ön Kairem "ütarküđer" jit, ön Muasem ek bikeent es, aurdat et jaa "ütenachtler" jit.

Aarber fuar Sölring

 "Üs Jungen haa ik ön Muasem ek aaft Lir raaket,
 dānen Dütsk snaketi,
 man jit mener aaft sen deling Liren tö raaki,
 dānen Sölring snaki."

Dit heer Willy Schröder sair, üs dit Sölring Uurterbok ütdönen waar (2006).

Wat höm en sa fuul üđer ual Muasemer olter leet klaar uuren es, es, dat dit fan di Lönsforkoopingen kemen es, hurme ja salev ön di söstiger en soowentiger Jaaren bigent haa.

Senerlig aur Schröder es sin Lefhair tö di Sölring Spraak, en aurdes heer hi aur lungi Jaaren dütsk Teksti üp Sölring āpskrewen.
Sin gurtest Werk es noch di Meaarber ön dit Sölring Uurterbok wesen, üs hi töhop me Carmen Müller-Matzen en Brunhilde Hagge di Aarberen döörluket heer, wat ja töhop me di Uurterbokstair ön Kiil maaket her.