Sössaarep

Tekst üüb Öömrang

A grat ialtürn.

A letj ialtürn. Nai bi stäänt at Öömrang Skuul.

Sössaarep as en letj saarep üüb det nuurdfresk eilun Oomram an hiart tu det gemeen Neebel.

Beskriiwang

A saarepskilten üüb Oomram san üüb öömrang an huuchsjiisk.

Sössaarep as wel det äälst saarep üüb Oomram, uun't juar 1446 as det iarst tooch diarauer skrewen wurden. Widj bekäänd as Sössaarep troch di siamaan Hark Olufs, diar uun't 18. juarhunert heer bäären wurd an uk heer stoorew.

Uun Sössaarep stäänt det letj winjmaln Bertha, wat daalang en wenhüs as. Hat wurd 1775 uun Munkmaask üüb Sal baud. 1882 kääft di koptein Volkert Quedens det maln an baud det üüb Redenhuug, en grääfhuug ütj a bronsetidj, weder ap. Diar as't do faan di maler Heinrich Andresen bit 1939 bedrewen wurden. Det maln ferfool, an uun a föftager juaren as't faan en architekt faan Hamborag kääft an apredet wurden.

Uun Waasterhias leit Saateldün, en kliinik för loftkraank jongen. Efter Neebel tu leit at Öömrang Skuul, det as det grünj- an madelskuul för a öömrang jongen.

Üüb en 27 m huuch dün stäänt di grat ialtürn. Hi as 1875 baud wurden, sin ial as 63 m huuch an skinjt 23 siamiilen widj. Nai bi a skuul stäänt di letj ialtürn, hi skinjt auer tu Fer.

Luke uk diar

 Commonskategorii: Sössaarep – Saamlang faan bilen of filmer

Futnuuten

54.6411111111118.3555555555556