Süüdsjineesk Sia

Tekst üüb Öömrang

Laag faan't Süüdsjineesk Sia

At bathymeetrisk koord wiset a jipde uun.

At Süüdsjineesk Sia woort faan flook lunen üs hör aanj uunsen.

At Süüdsjineesk Sia as en weederflaak tesken a Pasiifik uun't uasten an a Indik uun't waasten. Hat woort uk üs süüdelk dial faan't Sjineesk Sia, an diarmä üs dial faan a Pasiifik uunsen.

Nöömer

Trinjam lei en hialer rä lunen, an jo haa diar arke hör aanj nööm för:

• Sjiina: sjineesk 南海, Pinyin Nán Hǎi („Süüdsia“), 中國南海 / 中国南海,  Zhōngguó Nán Hǎi of 南中國海 / 南中国海,  Nán Zhōngguó Hǎi
• Wietnam: wietnameesk Biển Đông („Uastsia“)
• Thailun: thai ทะเลจีนใต้, Thale Chin Tai („Süüdsjineesk Sia“)
• Jaapan: japoonsk 南シナ海 Minami Shina Kai, („Süüdsjineesk Sia“)
• Filipiinen: tagalog Dagat Luzon („Luzon-Sia“) of Dagat Kanlurang Pilipinas („Waastfilipiinsk Sia“)
• Malaysia: malaiisk Laut China Selatan, Laut Tiongkok Selatan („Süüdsjineesk Sia“) of Laut Natuna Utara („Nuurd Natuna Sia“)

Geografii

At Süüdsjineesk Sia as 3.685.000 km² grat. Uun't madel as't 1.060 meeter jip an faadet 3.907.000 km³ weeder. Di jipst ponkt as 5.016 meeter jip.

Sian trinjam

Golf faan Tonking		Uastsjineesk Sia Taiwan-Struat
Golf faan Thailun		Filipiinensia
Struat faan Malakka	Jaawasia	Suulusia

Eilunen

• Côn Đảo: tu Wietnam
• Dongsha-Eilunen/Pratas-Eilunen: Tu Taiwan
• Hainan: tu Sjiina
• Natuna-Eilunen an Anambas-Eilunen: tu Indoneesien
• Paracel-Eilunen: tu Sjiina, faan Wietnam ferlangd
• Scarborough-Rab: tu Sjiina, faan a Filipiinen ferlangd
• Spratly-Eilunen: faan flook stooten besaat
• Zhongsha-Eilunen/Macclesfield Beenk: tu Sjiina

Luke uk diar

 Commonskategorii: Süüdsjineesk Sia – Saamlang faan bilen of filmer