Sator Kwadroot

At Sator Kwadroot as en palindroom mä a latiinsk wurden SATOR AREPO TENET OPERA ROTAS. Dü könst det faan boowen tu onern, faan lachts tu rochts, of uk amkiard lees.

Bedüüdang

S	A	T	O	R	– A sämaan, di wat ütjsest
A	R	E	P	O	– ferlicht en nööm
T	E	N	E	T	– häält, faan lat. tenere - hual
O	P	E	R	A	– werken
R	O	T	A	S	– welen

Diar as ferlicht mä mend: God hää a welt ütjsest, an häält a welen faan sin werken uun hunen.

A buksteewen kön uk amsteld wurd tu en anagram, so dat diar wairocht an luadrocht det wurd Paternoster (üüsen feeder) bi ütjkomt. An uun a huken stun A an O för alpha (a began) an omega (at aanj).

Sok iinskraften san al sant 2000 juaren bekäänd:

Tegelstian faan Portugal, 2. juarhunert
Dial faan en amphore, am't juar 180, Ingelun
Müürstian faan en röömsk hüs, 2. - 3. juarhunert
Quadrato magico, Aquila, am 732

Ööders wat

Uun san film Tenet faan't juar 2020 hää di rejesöör Christopher Nolan det motiif faan't Sator Kwadroot apnimen. Ään hoodfigüür uun di film het Andrei Sator, an hi häält ham bal för en God. En ööder, en betj ünbestemet figüür het Arepo. Tenet as en ingelsk wurd för grünjsats of gluuw (diar hual ik tu), an so het di code för det onernemen, an di hialer film. Hi begant uun en oopernhüs (Opera), an Rotas as di nööm faan faartjüügen an faan en onernemen.

Luke uk diar

Commonskategorii: SATOR Kwadroot – Saamlang faan bilen of filmer