Abel faan Denemark

Faan Wikipedia
Zur Navigation springen Zur Suche springen
Amrum.pngTekst üüb Öömrang


Könang Abel

Könang Abel (* 1218, † 29. Jüüne 1252 bi Oldenswort) wiar en däänsken könang. Hi wiar di sön faan di däänsk Könang Waldemar II. an sin naist wüf Berengaria faan Portugal (* ~1195; † 27. Maarts 1221). 1232 wurd Abel Hertooch faan Jütlun. Üs hi Mechthild, det doochter faan Groof Adolf IV. faan Holstian freid, slood hi ham mä Holstian tuup.

Efterkemen[Bewerke | Kweltekst bewerke]

Abel an Mechthild hed sjauer jongen:

  • Waldemar III. (Schleswig) (* 1238; † 1257), hertooch faan Schleswig 1252–1257
  • Sophie (* 1240; † efter 1284) ∞ Bernhard I. (Anhalt) († 1286/87), föörst faan Anhalt-Bernburg
  • Erik I. (Schleswig) († 1272), hertooch faan Schleswig 1260–1272
  • Abel (* 1252; † 1279), her faan Langeland 1261-79

Efter di duas faan san bruder, könang Erik IV. "Plovpenning[1]", huar Abel ei gans ünskilag[2] bi wiar, wurd Abel uun't juar 1250 Erik IV. san efterfulger. Könang Abel fool a 29. Jüüne 1252 uun di sliak bi Oldenswort. A Fresken wul Abel nian stüüren betaale, auer jo faan keiser Karl di Grat a "Fresk freihaid" füngen hed. A büüren faan a hiirden Eidersteed, Everschop an Uthörn strääd jin a däänsk soldooten. Diarbi skal Abel üüb a Milderdoom bi Mildeborag amkimen wees. Leederhen wurd ferteld, Wessel Hummer faan Ual-Nuurdstrun hed Abel duadskööden.

Literatuur[Bewerke | Kweltekst bewerke]

Albert Panten: König Abels Tod - Ende einer Legende. Uun: JbNF 16 (1980), S. 117-126.

Futnuuten[Bewerke | Kweltekst bewerke]

  1. Det ment so föl üs "pluch-panang". För arke pluch skul a büüren en stüür betaale.
  2. At as temelk seeker, dat Abel di üübdrach den hää, Erik amtubringen. Uun Denemark sait'am: "Abel af navn, Kain af gavn" (Abel het'er, man Kain as'er).

Luke uk diar[Bewerke | Kweltekst bewerke]

Commons Commonskategorii: Könang Abel – Saamlang faan bilen of filmer
FöörgungerAmtEfterfulger
Erik IV. PlovpenningBlason Danemark ancien.svg
Könang faan Denemark

1250–1252
Christoph I.
Erik IV. PlovpenningSchleswig Arms.svg
Hertooch faan Schleswig

1232–1252
Waldemar III.