Andamaanen an Nikobaaren

Faan Wikipedia
Tekst üüb Öömrang


Andamaanen an Nikobaaren
(rochts oner)

A Andamaanen an Nikobaaren san en keed faan eilunen uun a Indisk Oosean. Jo san en unioonsteritoorium faan Indien (IN-AN). Uun't waasten leit a Golf faan Bengaalen an uun't uasten at Andamaanensia.

Di nuurdelk dial san a Andamaanen an di süüdelk dial san a Nikobaaren. Hoodstääd as Port Blair, huar alian auer 100.000 minsken lewe.

Üüb en lunflaak faan 8.249 km² wene 380.000 iinwenern. Amtspriaken san Hindi an Ingelsk. Diar wene uk noch en hunfol natuurfulken:

  • Nikobareesen (~27.000)
  • Jarawa (~ 300)
  • Shompen (~ 300)
  • Onge (~ 100)
  • Grat-Andamaanen (~40)
  • Sentineleesen (~ 20)

Spriaken[Bewerke | Kweltekst bewerke]

Üüb a Nikobaaren wurd Nikobareesk spriaken snaaket, jo hiar tu a Austroasiaatisk spriaken. Iindialang:

  • Nuurd-Nikobareesk
    Car (Pu), ~27.000 spreegern
  • Madel-Nikobareesk, ~ 2.000
  • Süüd-Nikobareesk, ~ 2.000
  • Shompen, ~ 300

Üüb a Andamaanen wurd Andamaans spriaken snaaket. At as ünseeker, tu hün spriakfamile jo hiar.

  • Grat-Andamaans
    Aka-Bo † (2010)
    A-Pucikwar,10-50 spreegern
  • Letj-Andamaans
    Jarawa, ~ 250
    Onge (Önge), ~ 100
    Sentinel, ~ 100

Luke uk diar[Bewerke | Kweltekst bewerke]

Commons Commonskategorii: Andamaanen an Nikobaaren – Saamlang faan bilen of filmer