Anonymous

Faan Wikipedia
Zur Navigation springen Zur Suche springen
Amrum.pngTekst üüb Öömrang


Anonymous aktiwist mä skrabelkenhood Guy Fawkes

Anonymous (ütjspriak [əˈnɒnɪməs]; faan ualgreks ἀνώνυμος anōnymos, saner nööm) as en globaal skööl faan minsken, diar mäenööder bluas auer't internet ferbünjen san. Jo rep enkelt of gemiansoom tu aksioonen an demonstratsioonen ap.

Anonymous begand iarst ütj spoos, as sant 2008 oober poliitisk aktiif wurden. Hör aksioonen san ütjracht för't meenangsfreihaid, en ünufhingag internet, jin't uurheewerrocht, jin enkelt onernemen üs Scientology of ööder auermäächtag struktuuren.

Am hör meenang trochtusaaten, gung a aktiwisten tu demonstratsioonen of jo sabotiare kompjuuterneed (hacking).

Uun 2022 as Anonymous aktiif wurden, am internetferbinjangen faan't rüsk militeer tu skaasin, efter dat Ruslun a Ukraine uungrääb.

Guy Fawkes[Bewerke | Kweltekst bewerke]

Guy Fawkes wiar eegentelk en ingelsken ofsiar, di 1605 fersoocht, at ingelsk parlament uun a loft tu jaagin. An auer det ei loket hää, woort daalang noch uun flook ingelsk stääden di 5. Nofember üs Guy-Fawkes-Day of Bonfire-Night feiert.

Uun a 1980er juaren as det figüür weder apnimen wurden uun det comic-buk V for Vendetta faan Alan Moore an David Lloyd. Diar uun as V en anarchist an terorist, di efter a Traad Weltkriich jin en faschistisk regiarang föörgongt. An hi drait leewen en suart-witj skrabelkenhood.

At internet-skööl Anonymous feelt ham mä V ferbünjen, an drait diaram uk son Guy-Fawkes skrabelkenhood.

Luke uk diar[Bewerke | Kweltekst bewerke]

Commons Commonskategorii: Anonymous – Saamlang faan bilen of filmer
Commons Commonskategorii: Guy Fawkes – Saamlang faan bilen of filmer
Commons Commonskategorii: V for Vendetta – Saamlang faan bilen of filmer