Audi e-tron GE
 Söl'ring
|
| Audi | |
|---|---|
En Audi e-tron ön Hörnem | |
| e-tron | |
| Fabriik | Audi |
| Bechningsaart | SUV |
| Becht sent of fan bit |
Sent 2018 |
| Aksen | 2 |
| Bremsen | Rekuperationssysteem & Hydraulik |
| Maskiin | 2x Elektromaskiin: 300 kW töhop Fuaraks 135 achtern 165 kW ("Boost") Fuar leenger: 100kW Systeemkraft |
| Kapatsiteet | Brutto/netto 95/83,6 kWh |
| Bateriislach | LiFePo |
| Leerkraft en -tir | Fan 1,4 kWh bit 150 kWh (CCS) |
| Töleten Gauhair | 200 km/h |
| Laapwai | ~320 bit 420 km |
| Klimatisiaring | Elektrisk Kööler Elektrisk Aurn |
| Leengdi | 4,901 m |
| Breedji | 1,935 m |
| Hoogdi | 1,616–1,629 m |
| Aksenstant | 2,928 mm |
| Seetplaatsen | 4 |
| Wecht (lerig) | 2.445–2.565 kg |
| Töleten Wecht | Töleering 595 kg |
| Model fuarof | -- |
| Model achterön | -- |
| Sestermodeli/ Modeli binai üs des |
Jaguar I-Pace Mercedes-Benz EQC |
Di Audi e-tron (Typ GE) es en Boowerklasi-SUV me Elektromaskiinen fan Audi. Audi heer fuar sin Elektrowainer en senerlig Marki Audi e-tron maaket.
Jest Stuudien fuar des Model waar al 2015 weeget.
Daaten[Bewerke | Kweltekst bewerke]
Boost Di e-tron sküüvt ön 5,7 Sekunden üp 100 km/h. Di Maskiinenkraft es 135 + 165 = 300 kW. Dit Systeem ken kuurt (Bit tö 8s) en Draikraft fan 664 Nm dö.
Söner Boost Söner Boost sküüvt di e-tron ön 6,6s üp 100 km/h. Dit Systeem heer jit 265 kW en en Draikraft fan 561 Nm
Fuar leenger Aur leenger ken di Öndreft en Kraft fan 100 kW dö. Di Gauhair uur bi 200 km/h ofrailet.
e-tron 50 en e-tron 55[Bewerke | Kweltekst bewerke]
Hat jeft en Model e-tron 55, wat jir biskrewen es. Diaraur hen jeft et uk en Model e-tron 50, hur di Baterii bluat 71 kWh heer en jit muar Saaken en bet litjer ütfaal üs bi di 55. 2020 skel uk jit en Model e-tron s me aur 900 Nm Draikraft fan trii Maskiinen ütkum.
Di e-tron 50 lapt bluat 190km/h.
Di Laapwai es twesken 320 en 430 km öndönen; di e-tron nemt diareeđer 23 bit 27 kWh fuar 100 km.
Baterii[Bewerke | Kweltekst bewerke]
Di Baterii kumt fan LG Chem en heer en Spaning fan 396 Volt. Jü es fan 432 Pouch-Selen becht en wecht ombi 699 kg. Di Selen haa ark 60 Ah, en wan em jam paralleel skrekelt, kumt em üp 240 Ah.
Bi di e-tron 50 es di Baterii fan Samsung SDI ön Koreea, en di Selen sen prismaatisk becht.
Di Temperatuur fan di Baterii uur aur en Glykoolkööling realisiaret, wat uk wārem maaki ken.
Bremsen-Rensker en Brake by wire[Bewerke | Kweltekst bewerke]
Di e-tron heer fuarn Sokskolben-Skiiwenbremsen en achtern sok me jen Kolben. Bi en Elektrowain ken di kineetisk Energii jaa man töbeekwonen (rekuperiaret) uur, en da wöör di Bremsskiiwen jaa restig uur. Diarom heer di e-trom en Bremsen-Renskiprogram, wat fan salev jens bremset.
En wan sa'n Systeem salev bremsi skel, da ken dit jaa uk öntskiar, hur'ling bremset uur skel. Bit tö en neegatiiv Sküüvkraft fan 0,3 g (of 2,9 m/s²) uur rekuperiaret, en wat diaraur hen giar, diarfuar es di Skiiwenbremsönlaag.
Di Stjüüring giar aur en Stjüürgiraat. Des jit, dat em ek muar salev "töögen di Bremswiitighair" trapet, em stjüürt bluat jit en Giraat me sin elektroonisk Bremspedaal ön. Des jit Brake by wire, en di e-tron es dit jest Auto üp Straat, wat dit heer.
Luki uk jir[Bewerke | Kweltekst bewerke]
Commons: Audi e-tron GE – Saamling fan Skelter en Videos- Natsir
- Michael Gebhardt: Hier kommt der erste deutsche Tesla-X-Rivale. In: zeit.de. 15. Detsember 2018. Fahrbericht.
