Det Côtes-d'Armor Department ([kot daʁmɔʁ]; üüb Bretoonsk: Aodoù-an-Arvor; föör 1990 Côtes-du-Nord) as ian faan dön fjauer departmenten faan a Bretagne uun Frankrik. At department leit uun a nuurd faan't regiuun. Uun a nuurd as de Ingelsk Kanool, uun a uast Ille-et-Vilaine, uun a süüd Morbihan an uun a waast Finistère. Det hee 599.149 lidj (2021)[1]. At hoodsteed faan't department as Saint-Brieuc.
At department hee föl letj berger, wat huuger uun a süüd (a Monts d'Arrée uun a süüdwaast an a Landes du Mené uun a süüduast) üüs uun a nuurd san. De huuchst ponkt uun't department as Mont Bel-Air (339 m), wat uun a süüd stäänt.
A kommuunen hiar uk tu tau slacher faan ferbanter: sööwen gemianskapen faan komuunen (communautés de communes) an fjauer gemianskapen faan aglomeratschuunen (communautés d’agglomération).
Gemianskapen faan komuunen: Côte d’Émeraude - Kreiz-Breizh - Lamballe Terre et Mer - Leff Armor Communauté - Loudéac Communauté–Bretagne Centre - Poher Communauté - Pontivy Communauté.