Che Guevara

Ernesto „Che“ Guevara (eegentelk Ernesto Guevara de la Serna (* 14. Mei 1928 uun Rosario, Argentiinien; † 9. Oktuuber 1967 uun La Higuera, Boliiwien) wiar en rewolutsioneer an skriiwer. Hi hinget a liaren faan Karl Marx uun. Faan 1956 bit 1959 wiar hi di uunfeerer (Comandante) faan't Kubaansk Rewolutsion.

Guevara hää medesiin studiaret, as uun jong juaren föl raiset, an hää daibuken skrewen. Sin skraften an föördracher hed grat iinflööd widj auer Kuuba henwech. Auer Guevara sin leewent san flook buken skrewen an filmer dreid wurden. Det US tidjskraft Time täält Guevara tu a 100 wichtagst minsken faan't 20. juarhunert. An det bil rochts täält üs bekäändst knipset bil üüb a hialer welt.

Det plakoot uun Santa Clara (Kuuba) feriaret Guevara (huuchsjiisk auersaatang: *Es war ein Stern, der dich hierher führte und zu einem dieses Volkes machte*). Det klangt bal üs bi Harro Harring: *Er gehörte zu dem Volke, dem die Freiheit Religion ist*.

Luke uk diar[Bewerke | Kweltekst bewerke]

Commonskategorii: Che Guevara – Saamlang faan bilen of filmer

Wikiquote: Che Guevara (sjiisk)