Citroën Berlingo

Faan Wikipedia
Zur Navigation springen Zur Suche springen
Sylt2.png Söl'ring


Di Citroën Berlingo es en Kombiwain me hoog Taak fan di franzk Firma Citroën. Di Wain es jüst sa becht üs di Peugeot Partner. Sawat jit Badge Engineering (Maskiinenbechning fuar tau of muar Marken).

Noom[Bewerke | Kweltekst bewerke]

Di Noom Berlingo kumt fan Berlingot, en kuurter Aart fan di Hingstwain-Aart Berline

Berlingo I (1996–2009)[Bewerke | Kweltekst bewerke]

1. Bechningsreeg
Citroën Berlingo (1996–2002)

Citroën Berlingo (1996–2002)

Becht sent of fan bit: 1996–2009
(Argentiinien:
noch in Produktion[1])
Maskiinen: Bensiinmaskiinen:
1,1–1,8 Liter
(40–80 kW)
Dieselmaskiinen:
1,6–2,0 Liter
(43–66 kW)
Elektromaskiinen:
15,5 kW, 42 kW
Leegdi: 4137 mm
Breedji: 1724 mm
Hoogdi: 1810 mm
Aksenstant: 2693 mm
Wecht, lerig: 1245 kg
Sterne im Euro-NCAP-Crashtest[2] 4 Sterne im Euro-NCAP-Crashtest

Dit Model kām 1996 üp Marker.

Di nii Wainer waar 1997 üs "Van of the year" ütteknet.

Citroën her me di Berlingo üs jest en Kombi me hoogi Taak ön't Program, wat kompakt ("Golf-Klas") es man benen aur di hiili Leengdi fuul Plaats heer. Achterön kām di VW Caddy, di Renault Kangoo en hok muar.

2008: Berlingo First[Bewerke | Kweltekst bewerke]

Bi dit „Facelift“ waar olerhun Saaken foranert. Nii Blinkers, en nii Klokenbuurt en hok muar. Al 2002 her di Berlingo nii Fuarleechtern fingen. Di Achterklap feel wech, en forskeligi Ütstafiaringen waar uk ek muar önböören.

Di taust Bechningsreeg kām üt, en di Jest skul jit leenger becht uur. Diarom fing dit Auto di Noom me „First". Bit tö't Jen fan 2009 jaav dit biiring an Dütsklön, 2010 bluat jit di taust Reeg.

An Argentiinien es di Berlingo I jit lung becht uuren.

Berlingo II (2008–2018)[Bewerke | Kweltekst bewerke]

2. Bechningsreeg (B9)
Citroën Berlingo (2008–2012)

Citroën Berlingo (2008–2012)

Becht sent of fan bit: 2008–2018
Maskiinen: Bensiin:
1,6 Liter
(66–88 kW)
Diesel:
1,6 Liter
(55–84 kW)
Elektromaskiin:
(fan 2013 ön:
49 kW)
Leegdi: 4380–4628 mm
Breedji: 1810 mm
Hoogdi: 1834–1862 mm
Aksenstant: 2728 mm
Wecht, lerig: 1405–1504 kg
Sterne im Euro-NCAP-Crashtest (2008)[3] 4 Sterne im Euro-NCAP-Crashtest
Sterne im Euro-NCAP-Crashtest (2014)[4] 3 Sterne im Euro-NCAP-Crashtest

Di taust Bechningsreeg waar 2008 weeget. Di jest Jaaren wiar des Wain bluat me Jölingsmaskiinen tö fo, man fan 2013 ön waar en Elektromaskiin me 49 KW önböören.

Berlingo III[Bewerke | Kweltekst bewerke]

2018 kām di trēr Bechningsreeg, hur dit jit niin Elektromaskiin fuar jeft (2020).

Aarten[Bewerke | Kweltekst bewerke]

Hat jeft masi Karoseriien fuar di Berlingo - me jen of tau of söner Sküüvdüüren, achtern me gurt Klap of tau Düüren, me of söner Winingern achtern ön di Siren. Diartö jaav't bit 2007 uk en Taak fan Tjüch, wat em iipensküüv kür sa üs en Multifunktsjoonstaak bi di Ütstafiaringsreeg Modutop/Spacelight.

Uk üs Uuniwain waar di Berlingo al ombecht.

Berlingo électrique[Bewerke | Kweltekst bewerke]

1997[Bewerke | Kweltekst bewerke]

1997 kām di Citroën Berlingo, di Saxo sa üs di Sesterwainer Peugeot Partner en 106 üs Elektroautos üt. Ja her en Maskiin me 15,5 kW en Nickel-Cadmium-Bateriien fan 162 V maal 100 Ah, dit sen 16,2 kWh Kapatsiteet, hur di Berlingo ombi 95 km me laap kür. Di Gauhair lair bi 95 km/h, Di Partner en di Berlingo noom ombi 25 kWh fuar 100 km, fan di Steekdoos teelt.
Sok Wainer sen jit ön di 2010er Jaaren fuul önerwai wesen en uk üp Lithium-Bateriien ombecht uuren.

2009[Bewerke | Kweltekst bewerke]

2009 her di franzk Post Elektrowainer ütskrewen. Wonen haa PSA en Venturi, en Firma fuar di Technik fan sok Autos. Des Model fing en Maskiin fan 42 kW /57 PS en en Draikraft fan 180 Nm. Di Gauhair es bi 100 km/h ofrailet. Di Baterii es en ZEBRA-Baterii me 23,5 kWh, dit leengt fuar ombi 130 km. Fan dit Model Citroën Berlingo / Peugeot Partner First Electrique waar tömendst 1.000 Stek fuar di Post becht.
Jen fan des Wainer waar en bet ombecht en es fan Shanghai naa Paris köört uuren. Bi des waar di Maskiin üp 46 kW braacht, en dit Auto fing trii Bateriien, dat et 400 km laap kür. Di ombecht Wain kür 110 km/h laap.[5].
2012 es uk jen me sa'n Wain twert döör Süđer Afrika köört, hur et bal niin Stroom jeft[6]

2013[Bewerke | Kweltekst bewerke]

Fuar di Berlingo II waar fan 2013 ön en Elektromaskiin önböören. Di Lithium-Ioonen-Baterii her en Kapatsiteet fan 22,5 kWh, wat eeđer NEFZ fuar 170 km leengt. 120 km skul di Wain da rocht seeker laap.

Di Bateriien ken lungsem (6 bit 12 Stünen) of waker (30 Minuten fuar 80% Leering).

Di Maskiin kumt fan di Töhopaarber me di Mitsubishi Motors Corporation (Se uk Citroën C-Zero). Di Kraft es 49 kW / 67 PS, di Draikraft 200 Nm.

Di Kraft giar aur en Önerseeting tö di Weelen.

2015 waar dit Auto auraarbert, en fan da ön jeet di Elektrowain Citroën E-Berlingo Multispace.

Futnooten[Bewerke | Kweltekst bewerke]

  1. Modellpalette auf der offiziellen Homepage von Citroën Argentinien (spanisch). Abgerufen am 21. Februar 2018.
  2. euroncap.com: Ergebnis des Citroën Berlingo I beim Euro-NCAP-Crashtest (2005)
  3. euroncap.com: Ergebnis des Citroën Berlingo II beim Euro-NCAP-Crashtest (2008)
  4. euroncap.com: Ergebnis des Citroën Berlingo II beim Euro-NCAP-Crashtest (2014)
  5. Aur di Tour fan Shanghai naa Paris (Engelsk of Franzk)
  6. Aur di Tour twert döör Süđer Afrika (Engelsk of Franzk).