County (USA)
 Tekst üüb Öömrang
|
Uun a Ferianagt Stooten san counties ferwaltangsianhaiden, sowat üs lunkreiser. Diar san 3.144 counties ferdiald üüb 50 stooten. A counties san do widjer onerdiald tu townships. Uun a Great Plains koon am noch gud kään, dat counties tuiarst üs grat kwadrooten mä kwadrootisk townships uunlaanj wurden san.
Di nööm ment eegentelk groofskap, man uun a USA jääw't nimer groofen, di nööm as faan a Briten mäbroocht wurden. Tau stooten haa nian counties, uun Louisiana jaft at uun steed diarför parishes an uun Alaska het jo ferwaltangsianhaiden boroughs.
Uun enkelt bundesstooten haa a counties muar rochten üs en lunkreis uun Sjiisklun. Diar kön jo salew besteme, hü huuch a stüüren üüb ferkuup san (sales tax). Jo kön uk besteme, dat uun kuuploodens nian alkohol ferkääft wurd mut, det as do en dry county.
Grater stääden üs Baltimore, St. Louis, Carson City an 39 stääden uun Virginia san independent cities an tääl sodenang salew üs en county. Uk uun Sjiisklun jaft at kreisfrei stääden, so üs Flensborag, Neumünster, Kiel an Lübeck uun Schleswig-Holstian.
Luke uk diar
[Bewerke | Kweltekst bewerke]
Commonskategorii: Counties uun a Ferianagt Stooten – Saamlang faan bilen of filmer