Dünemfisel

Faan Wikipedia
Tekst üüb Öömrang


Dünemfisel
Dünemfisel (Eringium maritimum)

Dünemfisel (Eringium maritimum)

Süstemaatik
Ufdialang: Huuger plaanten (Tracheophytes)
Klas: Bloosenplaanten (Magnoliopsida)
Order: Apiales
Famile: Skiremplaanten (Apiaceae)
Skööl: Maantrau (Eryngium)
Slach: Dünemfisel
Wedenskapelk nööm
Eryngium maritimum
L.

At Dünemfisel of Strunfisel, (sö.) Ströntistel (Eryngium maritimum) as en plaantenslach uun't famile faan a Skiremplaanten (Apiaceae).

Beskriiwang[Bewerke | Kweltekst bewerke]

Bloosenkurew faan en dünemfisel.


Det 10 bit 40 cm huuch dünemplaant as mä en 2 m jipen starken rut fääst mä a grünj ferwoksen. At dünemfisel hää en hunfol twiigen mä stif, borag blä-green bleeden. Jo bleeden haa en witjen kaant an luup üüb't aanj spas tu. At hialer plaant as blä-witj faan waaks auertaanj. A bloosen stun nai tuup üs uun en kurew.

At dünemfisel bleut faan Jüüne bit Oktuuber an fermuaret ham troch flenerker an ööder insekten. At siad woort faan a winj widjer draanj.
At waaks suragt diarför, dat det plaant ei ütjdrüget. An jo hard an stif bleeden kön en sturem mä sunstoof ütjhual.


Tiaknang faan en dünemfisel

Föörkemen[Bewerke | Kweltekst bewerke]

Eryngium maritimum

Jo plaanten fanjst dü bi a weederkaant uun Euroopa. Jo waaks uun en saalten grünj üüb a witjdüner. Dünemfisler stun miast tuup mä halembosker.
Enkelt föörkemen jaft at al goorei muar, diaram san's üüb a 'ruad list' kimen. At dünemfisel brükt föl saalt, diaram koon't üüb grä- an bründüner ei lewe. Uk det beplaantin faan a witjdüner koon hat ei ferdreeg.

Literatüür[Bewerke | Kweltekst bewerke]

Ferwisang efter bütjen[Bewerke | Kweltekst bewerke]

Commons Wikimedia Commons hää bilen of filmer tu: Dünemfisler 
Wikispecies Wikispecies hää en artiikel tu: Dünemfisel 
Diheer artiikel luanet det leesen.
Didiar artiikel as uun det list faan gud artiikler, diar det leesen luane apnimen wurden. Uun uugenblak jaft at diar 73 faan.