Deutschland (Skep, 1924)

**Deutschland**
	Deutschland me Waapen fan Hamborig ön Buug Deutschland me Waapen fan Hamborig ön Buug
Skepsdaaten
Flag	Dütsk Rik; Dütsk Rik
Skepstyp	Passajiirskep
Jert tö	HAPAG
Werew	Blohm & Voss, Hamborig
Fan di Staapel löpen	28. April 1923
Ofblewen	3. Mai 1945 forseenket
Maaten en Manskep
Leengdi	197 m (hiilendal)
Breetji	24 m
Formeeting	21.046 BRT
Maskiin
Gauest Faart	19 kn (35.2 km/h)
Kapatsiteet
Pasajiiri	180 I. Klasse; 400 II. Klasse; 935 III. Klasse

Didiar artiikel ment di Damper fan 1924. Luki uk bi Deutschland (muardüüdag).

Söl'ring

Di Deutschland waar somtirs uk Deutschland IV nēmt, det em forskeligi Skeepen me di Noom Deutschland beeter ütenachtler hual kür. Jü wiar en Liinienskep, wat me höör Dampmaskiin fuaral aur di Atlantik faar skul. Di Reederii wiar di HAPAG. Bi di Forseenking ön di 3. Mai 1945 sen masi Mensken omkemen.

Die Deutschland waar üs Jest fan fjuur Skeepen becht, en tö di salev Tir waar uk dit Sesterskel Albert Ballin becht. Di 27. Marts 1924 waar jü ön Tiinst nomen. Jü löp naa Southampton en achterön naa New York. 1929 fing di Deutschland nii Maskiinen en kür da 19 Kneten (Fuarof 16 kn) faar. 1933 wwaar dit Skep leenger maaket (197 m, fuarof 183,73 m) en nii formeeten (21.046 BRT, fuarof 20.602 BRT). Dit Skep her uk Kabiinen fuar 180 Pasajiiri ön di jest Klas, 400 ön di taust Klas en 935 ön di trēr Klas. Di Deutschland her tau Skrüüwen en fjuur Meesten.

Ön di Krich

Fan't Jaar 1940 ön waar jü üs Uuniskep fuar di Krichsmariini ön Gotenhafen nütet. Üs 1945 flücht Mensken en önskööten Soldaaten aur di Uastsee skul, kür di Deutschland ombi 70.000 Mensken fan Uastpreußen en Weestpreußen naa Weesten fo.

Öm di Aprilmuun fan 1945 waar di Deutschland üs Lazaretskep ombecht, en em bigenti, dit Skep wit öntömaalin. Em her man bluat Fārev fuar di Skostiiner, en ön jen kür em üp jen Sir uk en Ruar Krüts maali. Di 3. Mai 1945 waar dit Skep iiö ön di Lübecker Bucht bi Neustadt fan di salev Fliigers öner Weeter skööten, hoken uk di Cap Arcona en di Thielbek forseenket. - Ön di Deutschland wiar niin KZ-Insasen man maning Soldaaten en Manskep fan't Skep. Ombi 80 Man kür jit fan Buurt kum jer dat di Deutschland forseenket waar.
1948 waar dit Wrak leftet en üp Skramel braacht.

Literatuur

Roy Nesbit: Cap Arcona. Atrocity or accident? In: Aeroplane Monthly, issue June 1984 (engl.)

Luki uk jir

Details zum Schiff (engl.)

Futnooten

↑ Nach der Flaggenverordnung von 1933 ersetzte die Hakenkreuzflagge die Flagge des Heimathafens als Gösch.

[1] Nach der Flaggenverordnung von 1933 ersetzte die Hakenkreuzflagge die Flagge des Heimathafens als Gösch.

[1]