Dootemgrens
![]() |
![](http://upload.wikimedia.org/wikipedia/commons/thumb/6/61/International_Date_Line.png/220px-International_Date_Line.png)
(= 180° uastelk lengde).
At Dootemgrens ferlääpt faan a nuurdpuul tu a süüdpuul troch a Pasiifik üüb of naibi a 180. meridiaan.
Hoker auer't dootemgrens raiset, komt ei bluas faan ian tidjsoon hen tu en ööder (UTC+12 tu UTC-12 of amkiard), man uk faan ään dootem hen tu en ööder. Wan dü faan waast tu uast raisest, fäälst dü ään kalenderdai turag. Wan dü faan uast tu waast raisest, sprangst dü ään kalenderdai föörütj.
Di eilunstoot Kiribaati leit maden üüb a 180. meridiaan, enkelt eilunen lei waastelk, an öödern uastelk. An amdat uun Kiribaati nü ei enkelt eilunen en ööder dootem haa skul üs jo öödern, hää Kiribaati at dootemgrens efter uasten fersköwen. Diaram maaget at dootemgrens bi Kiribaati en bocht efter uasten.
Jüst so ferhäält ham det bi a Aleuten. Amdat jo det salew dootem haa skul üs Alaska, as at dootemgrens diar en stak efter waasten fersköwen wurden.
An uk bi Neisialun ferlääpt at dootemgrens ei akeroot üüb a 180. meridiaan.
Maden uun a Pasiifik wene ei so föl minsken, an sodenang haa diar uk ei so föl lidj komer mä, dat a "naibern" en ööder dootem haa.
Luke uk diar
[Bewerke | Kweltekst bewerke]![Commons](http://upload.wikimedia.org/wikipedia/commons/thumb/4/4a/Commons-logo.svg/14px-Commons-logo.svg.png)