Elatiif
 Tekst üüb Öömrang
|
En elatiif (ingelsk: absolute superlative) as en oort an wiis, am en adjektiif en huugen wäärs tu dun.
Normoolerwiis san diar trii wäärser faan en adjektiif:
- positiif - smok
- komparatiif - smoker
- superlatiif - smokst
Wan dü nü oober sai wel, hi of hat as so smok, det as goorei tu fergliken, do namst dü di
- elatiif - uu so smok
Di elatiif woort uk brükt, am ironii ütjtutraken:
- Hi as jo uu so witsag (faan en minsk, di goorei witsag as, oober det faan ham salew ment)
Uun't Huuchsjiisken namt am flooksis föörsilwen, am en elatiif ütjtutraken:
- superreich, megaschnell, urkomisch, ...
Uk uun't Araabisk spriak komt di elatiif föör.
Hyperlatiif
[Bewerke | Kweltekst bewerke]Nai mä en elatiif as di hyperlatiif. Det as en komparatjuun, wat eegentelk ünmögelk as, man likes brükt woort, am det eegenoort düütelker tu maagin:
- Ik wiar di iansag maan mad aal jo wüfen (neutraal ütjsaag auer en taal)
- Ik wiar di iansagst maan mad aal jo wüfen (... an ik haa mi ei wel fääld)