Ferdinand Magellan
 Tekst üüb Öömrang
|
Ferdinand Magellan, portugiisk Fernão de Magalhães, ütjspriak: [fɨr'nãu̯ dɨ mɐɣɐ'ʎãi̯ʃ], spoonsk Fernando de Magallanes (* föör 1485, ferlicht uun Vila Nova de Gaia, Könangrik Portugal; † 27. April 1521 üüb Mactan, Filipiinen) wiar en portugiisken siamaan an koptein uun siinsten faan't spoonsk könanghüs. Hi skul en waastelken wai tu a Molukken finj, diar en grat bedüüdang üs gewürtseilunen hed. An so wurd hi di iarst, di trinj am a welt siild as. Det wiar di leetst bewis, dat a eerd nian flaak skiiw, man en kuugel wiar.
Det rais[Bewerke | Kweltekst bewerke]
Di 20. September 1519 foor fiiw skeb faan Sanlúcar de Barrameda ütj üüb sia. Ian juar leeder foonj jo det Magellanstruat an siild üs iarst europeesk sialidj auer a Pasiifik. Man üs jo üüb a Filipiinen uunkaam, kaam Magellan tu duas bi en stridj mä en stam faan a Visayas. Oner komando faan Juan Sebastián Elcano kaam bluas ian faan jo fiiw skeb, at Victoria, weder tüs auer di bekäänd wai trinjam't Kap Gud Hööb, an lunagt di 6. September 1522 uun Sanlúcar. Faan muar üs 240 maan san bluas 35 trinjam a eerd siild. 55 öödern siild efter uasten weder tüs, so dat 90 maan det tuur auerlewet haa. Faan det tuur hää ään faan a sialidj en ütjfeerelken beracht skrewen, di itajeener Antonio Pigafetta.
Luke uk diar[Bewerke | Kweltekst bewerke]
Commonskategorii: Ferdinand Magellan – Saamlang faan bilen of filmer