Friisk ön Reekenmaskiinen

Faan Wikipedia
Zur Navigation springen Zur Suche springen
Wikipedia-logo-v2-frr.svg Di Bidrach "Friisk ön Reekenmaskiinen" staant eksklusiif ön di Nuurđfriisk Wikipedia!
Sylt2.png Söl'ring


Handheld Giraaten sa üs Tablets en fuaral Smartphones sen uk diarfuar taacht, dat em aural Biskiiren fo en stjüüri ken.
Som Apps sen uk diarfuar, dat wat ek auriiten uur of diarfuar, dat em wat mefair (sa üs bi di "Corona-Warn-App", wat Biskiir dö skel). Diarfuar maaki di Apps aaftinoch Lünen.

Di Taacht[Bewerke | Kweltekst bewerke]

Fuar des Lünen sen ön dit Giraat Lün-Daateien ofliar, wat di Apps keen.
Sa ken em uk sin ain Skringeltoon fuar dit Tilefoon āpnem.
Dit jit, dat uk fuar ark üđer App en üđer Lün-Datei öndönen uur ken. En App wat "Ding Dong" sair, ken uk "Uur Tir" sii.

Apps en Daateien[Bewerke | Kweltekst bewerke]

Android[Bewerke | Kweltekst bewerke]

Üp ain Riisiko ken des ark'jen forsjuk. Dit es man ek sa slim üs dit ütsjocht. Wan gaar nönt muar giar, da ken em di App nii instaliari, en da es di fuar't Miist weđer sa üs di taacht wiar.

App Āpgaav Plaats Formāt[1]
Signal Messenger Intern/Notifications mp4
Facebook Messenger Messenger Intern/Notifications m4a
Battery Bot Baterii skuanigi Frii of Intern/Notifications [2] wav
Accu Battery Baterii skuanigi Intern/Notifications of frii wav
Corona Warn App Kontakti föligi Intern/Notifications of frii m4a, wma, wav[3]
"Nachrichten" SMS Frii (Ken frii saacht en fünen uur)** m4a

Lün-Daateien maaki[Bewerke | Kweltekst bewerke]

Ek ark App nemt dit salev Formaat. Wan jen App me "wav" tö meen es, da wel di Naist "mp3" of jit wat Üđers. Aur di Lisensen om di Formāti sen di "Recorder-Apps" forskelig, en ek ark jen ken ark Formāt.

Masi man ek ark Formāt ken di Lexis Audio Editor maaki, senerlig, wan em ali Formāti me di Koop-Versioon friiskrekelt heer. Me des App ken em man muar Formāti forsjuk, wan em ek weet, wat fuar en App slaaget. Wan em en Wave (wav) of sawat heer, da ken em di iipenmaaki en üs m4a omwaneli.
Forskeligi Formāti let jam man uk me di "Sound Recorder" of dit "Dikiergerät" maaki, wat aaftinoch ön dit Giraat sen.

Bi FDroid jeft et jit Apps sa üs "Urecord", wat weđer wat Üđers ken.

Friisk Lünen iinrocht[Bewerke | Kweltekst bewerke]

Daatei[Bewerke | Kweltekst bewerke]

Wan em wat āpnomen heer, da skel em des en rocht Noom dö (Nöösbok_001, Signaal_001 of sawat), dat em di uk finj ken. Da skel dit iin ön di rocht "Ordner".

Iin ön di App[Bewerke | Kweltekst bewerke]

Üs Naist skel em ütfinj, hur em di App iinstel ken, "Einstellungen" of "properties".

Da luket em eeđer "Benachrichtigungen" of "Alarms", en diaröner eeďer en "Ton" of "Sound", wat aaft blö tö keen es.

Wan em diarüp giar, da ken em aur sin "Dateimanager" of wat em diar heer di "Ordner" en di Daatei finj.

Futnooten[Bewerke | Kweltekst bewerke]

  1. Ön di Ismuun fan 2022 me en Samsung A20e (Android 11) töhopstelt. Forskelen ken altert wiis!
  2. Dat em di Daateien iinfacher fent, ken em uk en "Ordner" iin ön "Notifications" maaki of sin Daatei me en klaari Noom iin ön Notifications lii.
  3. Hok Formāt rocht slaaget, dit skel em salev proofi.

Luki uk hjir[Bewerke | Kweltekst bewerke]