Handheld

Faan Wikipedia
Söl'ring


Android-Tablet, bluat me di Hunen hölen.

Handheld (me di Hunen hölen) Giraaten sen sok Kompjuuters, wat em fuaral me langs heer en söner Staal en Tastatuur nütet.

Des sen fuaral Smartphones en Tabletkompjuutern. Handheld-Giraaten sen ek diarfuar taacht, dat ja ön en Stroomnat aarberi, en diarom haa ja en Akku.

Swaarhairen[Bewerke | Kweltekst bewerke]

Aur di Software-Tastatuur, wat bluat en "Skelt" fan en Hardware-Tastatuur es sen masi Funktsjoonen sa üs en " Hard Reload"[1] fan en Internetsir ek sa iinfach tö maaki.

Leengeri Teksti let jam lung ek sa gur skriif üs me en Laptop of Desktop-Reekenmaskiin.

Di Bidreftssysteemi let jam ek muar sa gur iinstel üs em dit fan en Desktop-Kompjuuter keent.

Di Daatensküül es ünlik swaarer uuren üs dit al bi Kompjuuters wiar aurdat di Liren jit swaarer diarachter kum, hur'ling di Sküül töfo es. Di Giraaten sen aaftinoch trinjom di Klok online en ken Daaten ombistjüür söner dat di Nüter dit weet.

Diarme hinget uk töhop, dat dit swaarer en swaarer es en lewi söner des Giraaten. Em heer jam altert waker bi di Hun, ken jam sa gur üs aural me hen fo en fair diarme Reklāmi eeđer sin Smak aural hen stjüürt.

Digital Detox es diarom en Saak wat senerlig hunhölen Giraaten raaket.

Altert en Reekenmaskiin me langs[Bewerke | Kweltekst bewerke]

Handhelds ken em önerwai uk üs "Kiino" nüti, wan em Filmi ön di Maskiin of en SD-Kaart heer. Me en Haurhiirer ken em sawat önluki of Musik önhiir.

Di Apps uur altert beeter, en sa ken em uk muar en muar Aarbern önerwai me sin "Handheld" maaki.

Energii[Bewerke | Kweltekst bewerke]

Wan em en Powerbank me langs heer, da ken di Stroom uk fuar leengeri Raisen me di Toch leengi. Nii Busi en Tochen haa aaftinoch USB[2]-Leerönslüten, dat em sin Akku önerwai eeđerleer ken.

Handhelds nem fuul mener Stroom üs Kompjuuters, en diarom leengt uk en litj PV-Önlaag aur't hiili Jaar diarfuar, fuaral wan em uk jir Powerbanks üs Reservi heer.

Futnooten[Bewerke | Kweltekst bewerke]

  1. Hard reload: En Sir ön't Nat nii leer, dat uk di Cache lerigmaaket uur
  2. Universal Serial Bus