Georgisk Sosialistisk Sowjetrepubliik
 Tekst üüb Fering
|
.svg)
Det Georgisk Sosialistisk Sowjetrepubliik (kurt: Georgisk SSR, Sowjet Georgien of Georgien; üüb Georgisk: საქართველოს საბჭოთა სოციალისტური რესპუბლიკა sakartvelos sabč'ota socialist'uri resp'ublik'a; üüb Rüs: Грузинская Советская Социалистическая Республика Gruzinskaja Sovetskaja Socialističeskaja Respublika) wiar faan 1936 tu 1991 ian faan a republiiken uun't Sowjetunioon.
Geografii
[Bewerke | Kweltekst bewerke]
Twesken 1944 an 1955 dialen faan det Karatschaiisk AP an det Tschetscheens-Inguschisk ASSR wiar dialen faan det Georgisk SSR. Do wurd jo weler dialen faan det Rüs SFSR.
Steeden
[Bewerke | Kweltekst bewerke]Dön tjiin gratst steeden uun't republiik wiar:
| # | Steed | Lidj (1989)[1] |
|---|---|---|
| 1 | Tiflis | 1.243.150 |
| 2 | Kutaisi | 232.510 |
| 3 | Rustawi | 159.016 |
| 4 | Suchumi | 119.150 |
| 5 | Gori | 67.787 |
| 6 | Poti | 50.569 |
| 7 | Sugdidi | 49.614 |
| 8 | Tschinwali | 42.934 |
| 9 | Samtredia | 34.255 |
| 10 | Chaschuri | 31.717 |
Iindialing faan Ferwalting
[Bewerke | Kweltekst bewerke]Det Georgisk SSR hed tau autonoom sosialistisk sowjetrepubliiken (ASSR) an ian autonoom gebiit:
- det Abchaasisk ASSR (det amstreden Republiik Abchaasien faan nü)
- det Adschaarisk ASSR (det Autonoom Republiik Adschaarien faan nü)
- det Süüdoseetisk Autonoom Prowins (det amstreden Süüdoseetien faan nü)
Befölkring
[Bewerke | Kweltekst bewerke]At jeew sööwen folksteelingen uun't Sowjetunioon. Onern san a resultooten diarfaan för det Georgisk SSR (uk üüs dial faan det Transkaukaasisk SSR):
| Folksteeling | Lidj | uun a Steeden | üüb't Lun |
|---|---|---|---|
| 17. Deetsember 1926 | 2.677.000 | 594.000 | 2.083.000 |
| 17. Janewoore 1939 | 3.540.000 | 1.066.000 | 2.474.000 |
| 15. Janewoore 1959 | 4.044.000 | 1.713.000 | 2.331.000 |
| 15.-22. Janewoore 1970 | 4.686.000 | 2.240.000 | 2.446.000 |
| 17. Janewoore 1979 | 5.015.000 | 2.608.000 | 2.407.000 |
| 12.-19. Janewoore 1989[2] | 5.443.000 | 3.035.000 | 2.407.000 |
Histoore
[Bewerke | Kweltekst bewerke]Det Georgisk SSR wurd 25. Febrewoore 1921 üüs en suwereen stoot grünjlaanjen. Det wurd 1922 dial faan det Transkaukaasisk SSR, wat dial faan det nei grünjlaanjen Sowjetunioon wurd. 1936 wurd det Transkaukaasisk SSR ufskaafet an iin uun trii republiiken apdiald: Det Georgisk SSR, det Armeens SSR an det Aserbaidschaans SSR. 4. Nofember 1990 wurd det at Republiik Georgien amneemd, man bleew at republiik dial faan't Sowjetunioon. 9. April 1991 ferklaaret at republiik sin suwereniteet. At suwereniteet wurd 31. Deetsember 1991 uunkäänd, üüs at Sowjetunioon ham apliaset.
Politiik
[Bewerke | Kweltekst bewerke]Det regiaringspartei wiar det Georgisk Komunistisk Partei, wat en twiig faan det Komunistisk Partei faan't Sowjetunioon wiar.
Hoodmaaner
[Bewerke | Kweltekst bewerke]- Fillip Ijesejewitsch Macharadse (Febrewoore 1921-April 1922)
- Michail Stepanowitsch Okurdschawa (April 1922-Oktuuber 1922)
- Wissarion Wissarionowitsch Lominadse (Oktuuber 1922-1924)
- Michail Iwanowitsch Kachiani (1924-6. Mei 1930)
- Lewan Dawidowitsch Gogoberidse (6. Mei 1930-20. Nofember 1930)
- Samson Andrejewitsch Mamulja (20. Nofember 1930-13. Oktuuber 1931)
- Lawrentij Iosifowitsch Kartwelischwili (13. Oktuuber 1931-14. Nofember 1931)
- Lawrentij Pawlowitsch Berija (14. Nofember 1931-31. August 1938)
- Kandid Nestorowitsch Tscharkwiani (31. August 1938-27. Marts 1952)
- Akakij Iwanowitsch Mgeladse (29. Mart 1952-14. April 1953)
- Aleksandr Iordanowitsch Mirtschulawa (14. April 1953-4. September 1953)
- Vasilij Pawlowitsch Mschawandadse (4. September 1953-28. September 1972)
- Eduard Ambrosijewitsch Schewardnadse (28. September 1972-2. Jüüle 1985)
- Dschumber Il'jitsch Patiaschwili (6. Jüüle 1985-14. April 1989)
- Giwi Grigor'jewitsch Gumbaridse (14. April 1989-14. Nofember 1990)
- Sviad Konstantinowitsch Gamsachurdija (14. Nofember 1990-14. April 1991)
Luke uk diar
[Bewerke | Kweltekst bewerke]- Demokraatisk Republiik Georgien (1918-1921)
Kwelen
[Bewerke | Kweltekst bewerke]- ↑ Georgia: Cities and Urban Settlements, citypopulation.de
- ↑ Демоскоп Weekly - Приложение. Справочник статистических показателей.. www.demoscope.ru. Ufrepen de 10. Detsember 2019.
