Globaal apwarmin

Tekst üüb Öömrang

Globaal temperatuurferanrang faan 1880 bit 2012

Huar det globaal apwarmin fööraal tu marken as. Amso ruader det as, amsoföl tu warem wiar't uun a juaren 2000-2009 (boowen). Oner üs ferglik a juaren 1970–1979.

Globaal apwarmin woort det apwarmin faan a eerd fööraal uun't 20. juarhunert näämd. Diarbi as at temperatuur faan a loft an faan't siaweeder meeden wurden. Det wurd woort oober uk brükt för modelen, diar det apwarmin uun a kemen tidj föörütj sai.

Modelen

Flook iinrachtangen befaade jo mä det bereegnin an föörütjsaien faan't globaal apwarmin uun a kemen 100 juar. Wi skel wel mä en apwarmin tesken 2 an 5 graad reegne. Üüb a nuurdelk eerdheleft fäält det apwarmin starker ütj üs üüb a süüdelk eerdheleft. Tau swaarponkter faan di efekt san a Arktis an Brasiilien.

Luke uk diar

 Commonskategorii: Globaal apwarmin – Saamlang faan bilen of filmer