Gottfried (Skap)

Tekst üüb Öömrang

p1

Gottfried

p1 Skapsdooten Flag Denemark Denemark Skapstyp Galeas Staapelluup 1815 Ufblewen Di 12. Marts 1822 sünken

Miaten an maanskap Lengde 20 m (auer ales)   Maanskap 8 maan

Takelaasj Taal faan mees 2

Kapatsiteet Tons dead weight 157 tdw

A Gottfried wiar en däänsk galeas, diar di 12. Marts 1822 uun a müs faan a Ialew soonk, woorskiinelk tesken Cuxhuuwen an Trischen. Mä det skap ging wäärsfol antiik finjstaken faan't Ual Egypten oner. Jo wiar bestemet för Friedrich Wilhelm III., dojütidjs di könang faan Preußen.

• 
  En galeas as en frachtskap mä tau mees.

A Gottfried wiar onerwais faan Triest tu Hamborag. Uun Triest wurd hat beleesen faan Heinrich Menu von Minutoli, di enkelt finjstaken salew uun Egypten ütjbodet hed, öödern oober uun Luxor kääft hed. Uun 97 frachtkasten ging a swaarer finjstaken uun buurd. Flook finjstaken san oober auer lun tu Berlin broocht wurden, an kaam diar uk hial uun.

Uun a naacht faan a 11. tu a 12. Marts 1812 kaam det skap uun en swaaren sturem, an soonk üüb en sunbeenk nuurden faan Cuxhuuwen. Aacht maan drinket, an man ään matruus hää det auerlewet. Dialen faan't lääs drääw naibi Cuxhuuwen uun ääg, man a swaarer staken ging oner, an san bit daalang ferswünjen.

Uun a somer 2011 soocht Martin Segschneider faan't Archeoloogisk Amt uun Schleswig mä en skap efter det steed, huar a finjstaken ferlicht wees küd. Man uk mä neimuudis technik wiar diar niks tu finjen.

Luke uk diar

• Terra X, ZDF: Geisterschiff im Wattenmeer (Memento faan di 3. Deetsember 2016 uun't Internet Archive)
• Terra X, ZDF: Geisterschiff im Wattenmeer üüb YouTube