Johannes Mejer/sö

Johannes Mejer (* 1606 uun Hüsem; † 1674) wiar en Matemaatiker an Kartograaf.

Leewent[Bewerke | Kweltekst bewerke]

Johannes Mejer wiar en Dreeng fan en Pröst fan Hüsem, diar de likedeling Noom her. Sin Mooter, Elisabeth Jüngling, wiar en Faamen fan di Orgelspölster Johannes Jüngling (1522-1627) fan Bovenau. Di Dai wan Johannes Mejer tö Wārel kām es ek jüst bikeent. Em weet bluat, dat hi di e 12. Oktoober 1606 dööpet waar.

Hi studiaret ön Kopenhuuwen Matematiik en Astronomii sa üs di Grünjlaagen fan di Kartografii. 1629 kām hibtöbeek naa Hüsem en fuan Bruarwening üs Skuulmaister, Bijewenhairsdechter, Kalenermaaker en Kartograaf. Hertooch Friedrich III. faan Sleeswich-Holstiin-Gottorf holp höm, dat hi en Stuudienrais naa di Neđerlönen maaki kür. Hi bigent diar, en Atlas fan dit Amt Abenraa fuar di Hertooch tö maaki. Diarfuar fing hi fan di Amtsforwalter Joachim Danckwerth fan Abenraa Help, en 1641 waar di Aarber klaar. 1639 teekent hi di Nova Tabula Helgolandiae, wat di ialst Koort fan Heliglön es hur em wat me bigen ken.

1647 maaket Köning Christian IV. fan Deenemark Johannes Mejer tö en köningelk Matemaatiker en droch höm āp, en Kaart fan di Weesterkant fan Sleeswig-Holstiin tö maaki. Mejer teeknet da tau Kaarten, Nuurđfriislön ön't Jaar 1240 en ön't Jaar 1634.

1652 braacht Caspar Danckwerth sin Werk Neue Landesbeschreibung der zwei Herzogtümer Schleswig und Holstein üt. Des Bok her 40 Lönkaarten en Srakaarten wat Mejer teeknet her. Fuar't Miist waar di Kaarten fan di Brüđern Mathias Petersen en Nicolaus Petersen könsterisk törochtmaaket en da fan di Brüđern Andreas en Christian Lorenzen iin ön Kööperplaten steekt.

Luki uk diar[Bewerke | Kweltekst bewerke]

Commons: Johannes Mejer/sö – Saamling fan Skelter en Videos