Zum Inhalt springen

John Milton

Faan Wikipedia
Tekst üüb Öömrang


John Milton
Paradise Lost, 1668


John Milton (* 9. Detsember 1608 uun London; † 8. Nofember 1674 uun Bunhill bi London) wiar en ingelsken dachter an stootsmaan oner Oliver Cromwell. Hi skrääw uun sin dachtangen an romoonen auer persöönelk skil, sin streewin am freihaid an salewbestemang, man uk auer aktuel politisk uungeleegenhaiden. Milton skrääw üüb ingelsk, latiinsk an itajeensk, an wiar al tu leewentstidjen widj bekäänd. Hi sted för apklaarang an en republikaans regiarang (uun't jindial tu't monarchii).

Paradise lost[Bewerke | Kweltekst bewerke]

Sin wichtagst buk as Paradise lost (at ferleesen paradiis) an det widjerfeerang Paradise regained (at turagwonen paradiis). Paradise lost as en eepisk dachtang mä en ianfach fersmiat uun tjiin dialen. Hi küd det buk ei salew apskriiw, auer hi uun't ääler blinj wiar, an hää det sin foomnen apsaad. Diar uun gongt'at am hemel an hääl, God an a deiwel.

Luke uk diar[Bewerke | Kweltekst bewerke]

Commons Commonskategorii: John Milton – Saamlang faan bilen of filmer

Wikiquote: John Milton (sjiisk)