Kia Motors
 Söl'ring
|
| Kia Motors Corporation
| |
|---|---|
 | |
| Rochtsforem | Corporation |
| ISIN | KR7000270009 |
| Grünjliar | 1944 |
| Hüüsing | Seoul,  Süđern Koreea
|
| Fööringskontoor |
Hyoung-Keun Lee Chief Executive Officer (CEO) |
| Aarberers | |
| Branche | Automobiilirma |
| Weebsir | www.kia.com |
Di Kia Motors Corporation es en Autofirma fan Süđern Koreea, wat sent 1998 tö di Hyundai Motor Group jert. 2013 waar 7,9 Milioonen Wainer forkoopet, en diarme es Hyundai/Kia di Fjort eeđer Toyota (9,98 Mio.),[1] Volkswagen (9,73 Mio.)[1] und General Motors (9,71 Mio.)[2] (Stand 2013).
Di Noom Kia kumt fan di koreeaansk Uurter „ki“ (Hanja: 起, Hangeul: 기) fuar āpstiig en „a“ (Hanja: 亞, Hangeul: 아) für Āsien.
Histoorie[Bewerke | Kweltekst bewerke]
1944 waar di „Kyongseong Precision Industry“ iipenmaaket, wat fan 1952 ön Weelen ön Koreea becht. Fan des Tir ön waar di Fabriik „Kia Industry Company“ nēmt. Di jest Maskiinen wiar fan 1961/62 ön Mootorweelen en en litj Kraamwain me trii Weelen. Ombi tiin Jaaren leeter kām di jest Kraamwain me fjuur Weelen, di Kia Titan üt, wat ön Koreea bit deling üs di koreaansk Lastwain bikeent es. 1973 waar Kia en Aktienselskep bi di Börsi. Ön des Jaar heer Kia di jest Fjuurtakt- of Ottomaskiin fan Koreea becht. Ombi 1974 waar di jest Persoonenwain, di Kia Brisa ütbraacht. Diarfan waar uk en Pick Up becht, wat üs Jest fan al uk naa dit Bütlön forkoopet waar.
1976 waar Asia Motors aurnomen, 1978 waar di jest koreaansk Dieselmaskiin becht. Fan 1979 bit 1981 waar di Peugeot 604 en di Fiat 132 üp Lisens eeđerbecht.
Ön di Tachentigerjaaren waar en niin Kraamwain ütbraacht. Me Mazda (Mazda 121) en Ford (Ford Festiva fuar Ameerika) waar di Kia Pride, en mal litj Wain ütbraacht.
Fan 1992 ön kür em uk ön Ameerikaa en Dütsklön Fabriiken iipenmaaki en Wainer forkoopi.
Bi Karmann ön Osnabrück waar fan 1995 bit 1998 di Kia Sportage becht.
1998 kām di Spaarikasen ön Koreea en diarme uk di Industrii ön Nuar. Kia waar fan Hyundai aurnomen, Asia Motors forswuan, en töhop waar dit di Hyundai Motor Group.
Fan di Hyundai Motor Group uur sent ombi 2014 Elektrowainer sa üs uk sok me Brenstofseli önböören.
Dit Elektroauto fan Kia Motors jit Kia Niro
Futnooten[Bewerke | Kweltekst bewerke]
- ↑ 1,0 1,1 VW ist zweitgrößter Autobauer der Welt (Memento faan di 5. Febrewoore 2014 uun't Internet Archive) auf ndr.de
- ↑ GM Delivered 9.7 Million Vehicles Globally in 2013 auf media.gm.com (engl.), abgerufen am 24. März 2014